LEXO PA REKLAMA!

SHKARKO APP

Statuti i PD-së/ Korreshi: Nëse gjykata zgjedh Berishën, bëhem me grupin e Rithemelimit

6 Tetor 2022, 16:08, Politikë CNA
Statuti i PD-së/ Korreshi: Nëse gjykata zgjedh Berishën,
Deputeti Saimir Korreshi

Deputeti Saimir Korreshi ka folur sot për vendimin e Gjykatës së Apelit që pritet të jepet më 3 nëntor për statutin e Partisë Demokratike.

Korreshi tha se ky vendim është shumë i rëndësishëm për të ardhmen e PD-së, ndërsa theksoi se nëse gjykata vendos në favor të Sali Berishës, do të rreshtohet krah këtij të fundit.

"Nëse gjykata zgjedh Berishën, bëhem me grupin e ‘Rithemelimit’", deklaroi ai.

Gjithashtu, deputeti kërkoi në Abc Live të mos rikthehet më ish-kryetari Lulzim Basha, pasi pretendon se do t’i bëjë më shumë dëm PD-së.

“Nuk duhet të rikthehet më, duhet gjetur konsensus, nuk mendohet më se kush do të jetë kryetar por kush do të sjellë në pushtet Partinë Demokratike. Grupimi i deputetëve që nuk janë pjesë e ‘Rithemelimit’ janë gjendur në një dhunë nga të gjitha anët, pasojat e mendimit ndryshe përjetohen akoma më shumë në qytetet e vogla, e përjetojnë akoma më shumë, jo vetëm dhunë fizike por edhe dhunë psikologjike”, tha Korreshi. 

Teksa u ndal tek zgjedhjet , ai nënvizoi se: “dëshira e të gjithë deputetëve jo me grupin e rithemelimit, është të dalim me një kandidat të përbashkët, koston më të madhe të datës 6 mars e kanë njerëzit, të papërfaqësuar në zgjedhjet lokale, nuk jam për mitin e emrit dhe as për mitin e kryetarit, por kam mitin e PD.”/ B.A. – CNA.al

Lajmet e fundit nga