web counter
LEXO PA REKLAMA!

SHKARKO APP

App Store
Google Play

Lirimi i Alqi Bllakos/ Reagon Paloka: Kujdes se kështu e do Yuri…

7 Tetor 2022, 09:56, Politikë CNA

Deputeti i PD-së, Edi Paloka, ka reaguar pas lirimit nga qelia të ish-deputetit socialist, Alqi Bllako.

Përmes një postimi në rrjetet sociale, Paloka thekson se vendimi për të liruar Bllakon është marrë që ditën që ai është dorëzuar.

Duke e cilësuar një vendim skandaloz, Paloka ngre pyetjen pse kryeministri Rama dhe ambasadorja e SHBA-së, Yuri Kim nuk kanë reaguar.

“Vendimi për të liruar Bllakon është marrë ditën që ai është dorëzuar. Pazari është i thjeshtë, ai i përhershmi i Ramës me ushtarët e tij të krimit e korrupsionit : na ka dale boja prandaj ti do besh pak burg dhe do heshtesh, une me drejtesine “e reformuar” do te te nxjer pas disa muajsh dhe te dy do vazhdojme te gezojme milionat dhe pushtetin .

Nderkohe , a i pa apo degjoi njeri kete here Ramen e Yurin te akuzojne drejtesine per kete vendim skandaloz ? Ata qe per cdo pergjegjesi te qeverise, e gjejne fajtorin tek drejtesia , dikur e pareformuar, (madje dhe per kullat “misterioze” ne mes te Tiranes , fajin e ka ish-drejtesia). Po per kete vendimin skandal te drejtesise “se reformuar” pse nuk foli askush ?!

Per fat te keq edhe ndonje nga keta koleget tane qe tani takohen me shume me Yurin se me ata qe i kane zgjedhur ( ne fakt me demokratet nuk takohen) nuk i ve me emrin e vertete “drejtesi e kapur” , po e quan “drejtesi e brishte”…Kujdes se keshtu e do Yuri...ashtu sic e do dhe Rama", shkruan Paloka.

Alqi Bllako u vetëdorëzua në polici më 1 prill të këtij viti, pasi Gjykata e Posaçme caktoi më parë masën e “arrestit me burg” pas hetimit për kontratën koncesionare të Fierit me një vlerë të përllogaritur në 28 milionë euro.

SPAK-u e akuzon Bllakon se ka marrë përfitime të paligjshme nga kompanitë koncensionare të ndërtimit të inceneratorëve, ndërsa ka favorizuar këto kompani gjatë kohës që ushtronte detyrat shtetërore si sekretar i Përgjithshëm i Ministrisë së Mjedisit dhe më pas në funksionin e “Autoritetit Kontraktues”, si drejtor i Agjencisë Kombëtare të Ujësjellës Kanalizimeve dhe Infrastrukturës së Mbetjeve./CNA.al





Lajmet e fundit nga