E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

“Po përballemi me emergjencë dramatike”/ Rama: Jemi në epokën e rrezikut

6 Tetor 2022, 22:53, Politikë CNA

“Po përballemi me emergjencë dramatike”/ Rama: Jemi

Kryeministri Edi Rama

Kryeministri Edi Rama ka zbuluar qëndrimin e tij lidhur me Komunitetin Politik Europian dhe takimin e Pragës.

Gjatë një pronocimi për emisionin "Opinion", Rama u shpreh se tashmë jemi në epokën e rrezikut të zyrtarizuar, dhe duke u përballur me një tjetër emergjencë të përbashkët dramatike.

Kryeministri theksoi se Komuniteti i ri Politik do të bëhet një platformë e përbashkët, në të cilën do të mendojmë për sfidat e së ardhmes në një mënyrë që i bashkon dhe që i çmon përvojat dhe respekton dinamikat e brendshme të të gjitha shteteve individuale të Europës.

“Sot ama epoka e qetësisë ka mbaruar, ka filluar epoka e rrezikut e cila është zyrtarizuar, duke na përballur me një tjetër emergjencë të përbashkët kaq dramatike. Agresioni rus me pasojat tronditëse politike e ekonomike që vijon të ketë. Sidomos me frikën që ka mbjellë në jetët e vendeve dhe të qytetarëve tanë, na ka sjellë sërish përpara një domosdoshmërie absolute për të vepruar si një trup, Bashkim Europian dhe Europë. Qytetarëve të Europës nuk u është dashur të përballen kurrë më parë me kaq shumë sfida të përbashkëta, pavarësisht se ku ata ndodhen, qysh nga Lufta e Dytë Botërore. Dhe prandaj, është shpresa se Komuniteti i ri Politik do të bëhet një platformë e përbashkët, në të cilën do të mendojmë për sfidat e së ardhmes në një mënyrë që na bashkon që i çmon përvojat dhe respekton dinamikat e brendshme të të gjitha shteteve individuale të Europës, por që ndërkohë ndryshon konceptin e asaj çka nënkupton të qenit së bashku në këtë territor pavarësisht se kush është BE dhe kush vetëm E, një bashkëjetesë dhe një veprim kolektiv. Unë dua të shpresoj se, duke reaguar së bashku në mbrojtje të integritetit territorial të Ukrainës, kemi marrë mësimin se pikërisht kështu do të gjejmë edhe vullnetin për të luftuar jo vetëm kundër mënyrës se si disa të tjerë i bëjnë gjërat, por edhe për mënyrën se si ne duhet t’i bëjmë gjërat, si një Komunitet i tërë Politik Europian”, shprehet Rama./ CNA.al