web counter
LEXO PA REKLAMA!

SHKARKO APP

App Store
Google Play

E fundit!

x

Kim thërret në Kuvend, përfaqësues të PS dhe PD/ Zbardhet biseda

7 Tetor 2022, 15:16, Politikë CNA

Kim thërret në Kuvend, përfaqësues të PS dhe PD/

Ambasadorja amerikane, Yuri Kim, është takuar sot me krerët e komisioneve parlamentare, Eduard Shalsi i Ekonomisë si dhe nënkryetaren Sorina Koti.

Pas takimit, Shalsi ka zbardhur bisedën që kanë pasur me ambasadoren amerikane.

Sipas tij, fokusi i bisedave ishte mbështetja financinare për reformat.

“Patëm një bisedë konstruktive dhe e vura në dijeni mbi prioritetet e komisionit të Ekonomisë dhe Financave. Ku prioriteti numër 1 do jetë diskutimi intensiv për buxhetin e vitit 2023. Komisioni ynë mbikëqyr dhe monitoron Autoritetin e Konkurrencës. Natyrisht që tema e diskutimit ishte dhe mbështetja financiare për reformat që duhet të vijojnë mbi të gjitha të asaj të reformës në Drejtësi.

Mazhoranca si nismëtare e reformës në Drejtësi është e interesuar të shohë një sistem akoma më efikas”, tha ai.

Edhe nënkryetarja e komisionit të ekonomisë Sorina Koti, tha se theksi i bisedës me diplomaten amerikane u vu te reformat.

“Ambasadorja theksoi që reformat duhet të jenë akoma dhe më të thella, më agresive dhe personat që duhet të shkojnë në burg, një ditë do të shkojnë në burg. Ajo që cilësova është që qeveria mban peshën më të madhe në këtë gjë, se ata qeverisin. Opozita është denoncuese, është në terren, me qytetarët, por nuk mund të mbajë kurrë përgjegjësi pse nuk funksionon shteti i së drejtës, apo institucionet publike. Kjo ishte ajo që unë raportova tek ambasada amerikane. Por mbi të gjitha është bashkëpunimi me ndërkombëtarët, sepse shqiptarët duan shpresë, dhe shpresoj që nëse do të ketë dëshirë dhe nëse politikanët do jenë të ndershëm ashtu siç e kërkojnë të gjithë votuesit dhe ne që përfaqësojmë ata, do të jemi në rrugën e duhur",- u shpreh Koti./CNA.al





Lajmet e fundit nga