web counter
LEXO PA REKLAMA!

SHKARKO APP

App Store
Google Play

E fundit!

x

12 miliardë euro fatura e korrupsionit të Rilindjes/ Meta lë organet e partisë dhe merret me Qeverinë

7 Tetor 2022, 12:52, Politikë CNA

Ilir Meta i mbledhur për organet e partisë, e ka zhvendosur vëmendjen te kryeministri Edi Rama apo te zhvillimet e tjera në vend.

Sipas tij, korrupsioni në energji është i llahtarshëm dhe investimet nuk kanë sjellë uljen e humbjeve.

“Janë mbi 2 miliardë euro korrupsion në energji. Debitori më i madh janë institucionet shtetërore sepse lekët i përdorin për ahengje. A ka korrupsion më gjigant sesa me rilindjen urbane, mbi 2 miliardë euro”, ka thënë Meta. Më pas ai është hedhur te fermerët, duke thënë se nuk janë mbështetur. “Shumë mirë që është hedhur gjithë ai beton në sheshin e Kolonjës, por sikur të ishin mbështetur më shumë ata fermerët. Sa mirë do ishte. Jo vetëm në Kolonjë, po kudo tjetër. Janë investime që nuk kanë ndihmuar as që qytetarët të rrinë në këto treva, as që të rrisin bizneset e tyre. Shumica janë investime fiktive”, ka thënë më tej Meta.

Edhe afera e portit të Durrësit, sipas Metës, është nga më kriminalet. Pasi, përveçse shkatërron një nga asetet më të rëndësishme të vendit dhe që do ta çojë në duar të dyshimta.

“Po ti mbledhësh në total shkon në 12 mld euro fatura e korrupsionit të rilindjes. Është një tërmet shkatërrimtar për financat publike dhe financat e familjeve shqiptare se ato do t’i paguajnë. Po t'i mbledhësh në total shkon në 12 mld euro fatura e korrupsionit të rilindjes. Është një tërmet shkatërrimtar për financat publike dhe financat e familjeve shqiptare se ato do t’i pagujanë. Ne mbështesim plotësisht kërkesat e pedagogëve sepse janë më se legjitime. Po kërkojnë që në 2 vjet të arrijnë atë standard që kanë kolegët e tyre ne Kosovë. A ka gjë më të arsyeshme. Para ka? Çfarë sakrifice duhet të bëjë qeveria? Të vjedhë më pak. Epo këtë sakrificë nuk do ta bëjë Edi Rama, ai kërkon të vjedhë më shumë”, është shprehur Meta./CNA.al





Lajmet e fundit nga