E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Meta, mbi 30 vite në poste shtetëtore/ Sot nxjerr deputetët të flasin për varfërinë e qytetarëve

8 Tetor 2022, 10:26, Politikë CNA

Meta, mbi 30 vite në poste shtetëtore/ Sot nxjerr deputetët

Partia Lirisë, ka reguar nëpërmjet deputetes Erisa Xhixho për sondazhin e Euronews Albania se sa janë pesimistë shqiptarët për të ardhmen.

Xhixho duke përdorur shifrat e sondazhit, shprehet se Qeveria Rama u ka shuar shpresën për të ardhmen e tyre dhe të fëmijëve.

“Iceneratorët për të cilët paguajmë çdo ditë, shkollat që mbyllen me VKM, universitetet që boshatisen, varfëria e ulur këmbëkryq në më shumë se gjysmën e familjeve shqiptare mbajnë firm?n e kësaj qeverie”, shkruan Xhixho me anë të një postimi në rrjete sociale.

Xhixho e çdo deputet duhet të ngrejë zërin për qyetarët, pasi janë zgjedhur që të jenë mbrojtësit e tyre.

Por, kur kryetari i partisë së Erisa Xhixho, përgjatë këtyre 30 viteve, nuk ka lënë post shtetëtor pa mbajtur, nuk mund të "lajë duart" nga varfëria me të cilën përballen sot shqiptarët dhe që detyrohen të ikin nga vendi.

Deklarata e plotë:

Shqiptarët janë pesimistë për të ardhmen. Qeveria Rama u ka shuar shpresën për të ardhmen e tyre dhe të fëmijëve.

Sipas sondazhit te Euroneës Albania:

60.2% e shqiptarëve janë pesimistë për ecurinë e situatës së përgjithshme në vendin tonë.

84.7% mendojnë se problemi kryesor është ekonomia

67% mendojnë si problemin më të madh nivelin e lartë të kriminalitetit në vend.

41.2% thonë se problem është korrupsioni.

Për ata që shohin si problem ekonominë, produktet e shportës zënë pjesën më të madhe të shqetësimit me 46.8%, të ardhurat e pamjaftueshme 25.7%, papunësia 15.9% dhe kostot e transportit 10.7%.

Ikja masive e tyre është pasojë e kësaj pakënaqësie.

Iceneratorët për të cilët paguajmë çdo ditë, shkollat që mbyllen me VKM, universitetet që boshatisen, varfëria e ulur këmbëkryq në më shumë se gjysmën e familjeve shqiptare mbajnë firm?n e kësaj qeverie.

Rikthimi i shpresës te qytetarët është e vetmja mënyrë për ta ndalur shpopullimin.

Politikat efektive të punësimit, mbështetja financiare për kategoritë në nevojë dhe mbi të gjitha arsimi si prioritet kombëtar janë rruga për ta nxjerrë vendin nga gropa ku po zhytet përditë./CNA.al