web counter
LEXO PA REKLAMA!

SHKARKO APP

App Store
Google Play

E fundit!

x

Meta heq përgjegjësinë nga vetja/ Ia lë stafetën e zgjedhjeve Berishës, flet për kurthe

8 Tetor 2022, 18:23, Politikë CNA
Meta heq përgjegjësinë nga vetja/ Ia lë stafetën e
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka hequr përgjegjësinë nga vetja, teksa është pyetur për kandidatët e opozitës në zgjedhjet e ardhshme lokale.

Meta tha se është përgjegjësi e lidershipit të PD-së, Sali Berishës organizimi sa më i shpejtë dhe kualiteti i primareve.

Gjithashtu, ai foli në emisionin “Kjo javë” për një kurth të kryeministrit Edi Rama për Reformën Territoriale.

“Primaret janë perfekte, por përgjegjësia për kualitetin u mbetet atyre që kanë marrë përsipër të organizojnë primaret, pra nuk mund t’u mbetet qytetarëve. Kërkohet shpejtësi dhe transparencë sepse do ketë përpjekje nga Rama për krijimin e incidenteve të paqena… është përgjegjësi e lidershipit të PD-së organizimi sa më i shpejtë për këto primare.

Opozita është në kushte shumë të favorshme se në 6 Mars, nga PL ka vendosmëri për të ndëshkuar kryebashkiakët e Rilindjes dhe për të mbështetur kandidatët e PD, është detyrë e PD për ta zgjidhur këtë, vërej dhe një kurth të Ramës, gjoja diskutimi për Reformën Territoriale, por është mënyrë për ta mbajtur zvarrë këtë proces. Kandidatët për Tiranën, Elbasanin dhe Durrësin duhet të dihen sa më pare”, theksoi Meta./ B.A. – CNA.al





Lajmet e fundit nga