web counter
LEXO PA REKLAMA!

SHKARKO APP

App Store
Google Play

Konferenca dyditore në Poloni për Rindërtimin e Ukrainës/ Rama, mes liderëve pjesëmarrës

25 Qershor 2026, 09:56, Politikë CNA

Konferenca dyditore në Poloni për Rindërtimin e Ukrainës/

Kryeministri Rama do të marrë pjesë në Konferencën për Rindërtimin e Ukrainës (Ukraine Recovery Conference – URC 2026), e cila zhvillohet më 25-26 qershor në Gdansk të Polonisë.

Në konferencë do të marrin pjesë kryetarë të shteteve dhe qeverive, institucioneve financiare ndërkombëtare, përfaqësues të biznesit dhe organizatave të shoqërisë civile nga mbarë bota.

Rama do të pritet nga Kryeministri i Polonisë, Donald Tusk, dhe do të marrë pjesë së bashku me delegacionin që e shoqëron, në ceremoninë zyrtare të hapjes së Konferencës, ku më pas do të mbajë një fjalë përshëndetëse në sesionin e dytë plenar të saj.

Gjatë qëndrimit në Gdansk, kreu i qeverisë pritet të zhvillojë një sërë takimesh dypalëshe me homologë, si dhe me Komisioneren e Bashkimit Europian për Zgjerimin, Marta Kos.

Konferenca për Rindërtimin e Ukrainës shërben si platforma kryesore ndërkombëtare për koordinimin e mbështetjes politike, financiare dhe ekonomike ndaj Ukrainës, duke bashkuar aktorë publikë dhe privatë në funksion të rimëkëmbjes dhe transformimit afatgjatë të vendit.

Gjithashtu synon të forcojë mbështetjen ndërkombëtare për Ukrainën dhe të mobilizojë investime për rindërtimin dhe zhvillimin afatgjatë të vendit.

Punimet e saj do të fokusohen në sektorët më të prekur nga agresioni rus, përfshirë energjinë, infrastrukturën kritike dhe logjistikën, si dhe në forcimin e kapaciteteve të sigurisë dhe mbrojtjes, të konsideruara thelbësore për procesin e rindërtimit. /CNA





Lajmet e fundit nga