web counter
LEXO PA REKLAMA!

SHKARKO APP

App Store
Google Play

E fundit!

x

"E trajton Shqipërinë si një sulltanat"/ Berisha: Rama ka projektuar 523 resorte e hotele në zonat turistike

24 Qershor 2026, 12:27, Politikë CNA

Kryetari i Partisë Demokratike, Sali Berisha, ka zhvilluar ditën e sotme një konferencë për mediat nga selia blu. Berisha hodhi akuza se kryeministri Edi Rama ka projektuar 523 resorte dhe hotele në zona turistike të vendit.

Sipas kryedemokratit, këto investime do të përjashtohen për 10 vite nga taksat.

Ndër të tjera u shpreh se Shqipëria është nga të paktat vende në botë, ku miliarderët vijnë e marrin naftë me një të katërtën e çmimit me të cilën e blen fermeri shqiptar.

“Edi Rama e trajton Shqipërinë si një sulltanat të tij, si një pronë private dhe regjimin e tij si një regjim kolonial ndaj shqiptarëve. Mediat kanë zbuluar librin famëzi 'Dosja', në të cilin Edi Rama parashikon, ka projektuar 523 resorte, hotele, zhvillime në zonat turistike. Nga të cilat, njëlloj si të ishte pronë e tij, përjashton tërë këtë infrastrukturë gjigante 10 vite nga taksat. A ka shfrytëzim më të egër se ky? Ky është sistem tipik kolonial. Nuk ka asgjë të përbashkët me ligjin themelor të shtetit, Kushtetutën, por edhe ligjin ndërkombëtar të investimeve.

Të imagjinosh zhvillimin e dhjetëra milionë metër katrorë troje të zonave më turistike, si butikët në aeroport pa taksa, do të thotë të vendosësh atë sistem nga i cili njerëzimi është ndarë prej kohësh. A mund të imagjinoni ju? Shqipëria është nga më të paktat vende në punë ku miliarderët vijnë dhe marrin miliona litra naftë me një të katërtën e çmimit që blen fermeri shqiptar. Dhe tani në librin e tij, Edi Rama, të mbajtur sekret ndaj shqiptarëve, të papublikuar ndonjëherë, rreshton 523 projekte për zhvillim, ndërtim në të katër anët e vendit”, tha Berisha. /CNA





Lajmet e fundit nga