web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës ndaj protestuesve/ Këlliçi: Tregues i gjendjes së rënduar mendore

23 Qershor 2026, 15:31, Politikë CNA

Deklaratat e Ramës ndaj protestuesve/ Këlliçi: Tregues i

Deputeti i Partisë Demokratike, Belind Këlliçi, ka bërë një reagim në lidhje me deklaratat e kryeministrit Rama ndaj protestuesve.

Referuar deklaratës së Ramës në “Financial Times”, Këlliçi shkruan se Rama është i vetmi udhëheqës që përdor ato lloj fyerjesh ndaj popullit të tij.

Këlliçi shprehet se kjo gjuhë e përdorur tregon gjendje të rënduar mendore. Sipas Këlliçit, Rama është kumbari i çdo afere korruptive dhe i çdo padrejtësie në vend.

 

Reagimi i Këlliçit

 

Edi Rama ndoshta është i vetmi udhëheqës që ka përdorur atë fyerje ndaj popullit të tij, siç e tha në “Financial Times”.

Edhe sunduesit brutalë e diktatorët xhelatë kanë qënë më të kujdesshëm e diplomatë dhe asnjëherë nuk i kanë thënë popullit të tyre: “Fuck You”.

Lëshimi i gjuhës në këtë mënyrë, është tregues i gjendjes së rënduar mendore të një Kryeministri që ka prekur fundin, ndërkohë që e dinte veten të praprekshëm dhe deklaronte se do të rrinte gjithë jetën në pushtet.

“Fuck You”, Edi Rama i thotë shumicës absolute të shoqërisë.

Edhe nëse nuk janë në shesh me ato qindra mijë protestues, shqiptarët janë në solidaritet të plotë me ta.

Që është kumbari i çdo afere korruptive, qytetarët nuk kanë fare nevojë ta vërtetojnë, pasi ai është shfaqur dhe ka gjurmë kudo, në tendera, koncesione, leje ndërtimi, në plaçkitjen e pasurive dhe trojeve kudo në Shqipëri.

Kur të mos ketë më pushtetin si koracë mbrojtëse e imunitet, drejtësie do t’i nxjerrë fije për pe gjithë implikimet e tij.

Qytetarët e kanë provuar në lëkurë në 13 vite se ai është kumbari i çdo zullumi, padrejtësie e arbitrariteti në vend.

Ka më shumë se 3 javë që njerëzit janë ngritur masivisht, e kanë vrarë frikën, kanë pushtuar sheshet dhe i kanë dhënë fund një sundimi dhe një sunduesi të korruptuar e të lidhur me krimin.

Të rinjtë, burrat e gratë, familjarët, profesionistët, pensionistët nuk kanë nevojë të fyejnë si ai. Ata në të vërtetë e kanë çuar në djall Edi Ramën me aksionin e tyre.

 





Lajmet e fundit nga