"Hajdutë të panikosur bëjnë regjisorin e një teatri"/ Deputeti reagon për videon e punëtorëve në diasporë

22 Qershor 2026, 21:21, Politikë CNA

"Hajdutë të panikosur bëjnë regjisorin e një

Deputeti i Partisë Demokratike, Bardh Spahia ka reaguar ndaj videomesazhit të punëtorëve në diasporë.

Spahia e cilësoi videon si një fyerje ndaj çdo shqiptari të ndershëm që punon në emigrim për të mbajtur familjen.

Demokrati shkruan se një pushtet i korruptuar përdor njerëzit për propagandë, që kërkon të provokojë përplasje mes emigrantëve.

Spahia shkruan se në vend që të japë llogari, qeveria bën regjisurën e një teatri të mjerë për të mbajtur karriget e tyre.

Reagimi i Spahisë

Kjo video është një fyerje për çdo shqiptar të ndershëm që derdh djersën në emigrim për të mbajtur gjallë familjet e tyre në Shqipëri!

?Është e trishtë dhe e neveritshme të shohësh se si një pushtet i korruptuar, i kapur nga paniku i protestave masive, përpiqet të përdorë njerëzit për propagandë. Për më tepër, kjo strategji e ulët kërkon qëllimisht të mbjellë përçarje dhe të provokojë përplasje mes vetë emigrantëve.

?Por ajo që e bën këtë situatë edhe më skandaloze dhe të pafalshme, është fakti që kjo video bajate shpërndahet e promovohet pa pikë turpi nga vetë Kryeministri në ikje, për shpërndarje nga ministrat, deputetët dhe kryetarët e bashkive!

Në vend që të japin llogari për zbrazjen e vendit, këta hajdutë të panikosur bëjnë regjisorin e këtij teatri të mjerë për të mbajtur karriget e tyre.

?Diaspora e vërtetë nuk i bën fresk qeverisë që e detyroi të braktisë shtëpitë dhe nuk lë as prindërit e familjarët e tyre në mëshirë të hajdutëve në pushtet.

Diaspora e vërtetë po ngre zërin dhe po mbush sheshet në Shqipëri dhe nëpër botë duke i dalë zot kombit në ditët më të errëta të tij.

?Nuk ka kohë për fasada apo për t'u përçarë nga lojërat e tyre. Tani është koha të bashkohemi më shumë se kurrë! Dilni, protestoni dhe ngrini zërin për një Shqipëri që u takon njerëzve të saj me dinjitet dhe jo një grushti pushtetarësh!