web counter
LEXO PA REKLAMA!

SHKARKO APP

App Store
Google Play

"Akt i vërtetë kriminal"/ Berisha: Gazetari u sulmua në protestë për shkak të detyrës

22 Qershor 2026, 12:28, Politikë CNA

Kryetari i Partisë Demokratike, Sali Berisha, ka folur lidhur me kërcënimin ndaj gazetarit Osman Stafa në protestën e zhvilluar ditën e djeshme kundër qeverisë.

Berisha u shpreh në konferencën për mediat se gazetari u sulmua nga një çift për shkak të detyrës.

Ai shtoi se dënon me forcë sulmin dhe se, sipas tij, kjo ishte e porositur nga qeveria që, sipas tij, po bën presion mbi eksponentë të protestës.

Kryedemokrati thekson se çdo gazetar duhet të jetë i lirë të thotë atë që mendon.

“Është kryer dje një akt i vërtetë kriminal ndaj gazetarit Osman Stafa. Ai është një gazetar guximtar që është përballur me mafien më të rrezikshme, atë të bluzave të bardha. Edi Rama dhe ministresha e tij i linin pacientët pa ilaçe. Këto ditë gazetari Osman Stafa ka mbajtur fjalime në protestë duke përfaqësuar veten e tij dhe betejën e tij kundër mafies shtetërore. Dje një çift i lidhur me pushtetin, të shkuarën e zezë, njëri prej tyre ka glorifikuar të keqen aty ku ka punuar, i afrohen gazetarit dhe i vërsulen shtazërisht dhe e godasin për shkak të detyrës. E dëmtojnë fizikisht vetëm për fjalët e tij në protestë, por edhe për rolin që ka luajtuar kundër mafies së ilaçeve. Dënoj me forcën më të madhe këtë akt të porositur nga sektorët kriminalë të këtij shteti dhe Edi Rama. Po bëhen presione mbi eksponentë të protestës. Dënoj me forcën më të madhe agresionin brutal ndaj Osman Stafës, dhe i them Edi Ramës që do të mbash përgjegjësinë më të madhe. Çdo gazetar duhet të jetë i lirë të thotë atë që mendon”, tha Berisha. /CNA





Lajmet e fundit nga