web counter
LEXO PA REKLAMA!

SHKARKO APP

App Store
Google Play

E fundit!

x

“Grabiti asetet e vendit”/ Këlliçi akuza Ramës: Avion privat dhe bileta basketbolli, shteti për interesa personale

19 Qershor 2026, 10:08, Politikë CNA

“Grabiti asetet e vendit”/ Këlliçi akuza Ramës:

Deputeti demokrat, Belind Këlliçi, hodhi sot akuza drejtuar kryeministrit Edi Rama.

Këlliçi tha në “Syri TV” se Rama ka përdorur shtetin shqiptar për interesa personale, ndërsa shtoi edhe se kreu i qeverisë ka grabitur asetet e vendit.

Sipas deputetit, Rama e ka dëshmuar këtë shpërdorim të karriges së kryeministrit edhe përmes të dhënave nga udhëtimet personale, avionët privatë, galeritë personale ku ekspozon pikturat e tij jashtë shtetit dhe biletat e shtrenjta për të ndjekur ndeshje basketbolli.

“JuI ftoj të gjithë ata që mbase nuk e duan PD-në, mbase kanë kritika për opozitën e të gjitha, të hyjnë dhe të gjejnë një politikan, një kryeministër si Edi Rama. Një njeri që fyen gratë, që fyen të rinjtë, që fyen qytetarët e tij, bullizon, është seksist, ka një gjuhë tejet përjashtuese, arrogante. Dhe vijon të sillet sikur ky është pashai i këtij vendi, a thua se ky është pronari i këtij vendi. Dhe harron që në fakt ky është një njeri që me të vërtetë ua ka vjedhur votat qytetarëve shqiptarë, por që ky është aty për t'u shërbyer qytetarëve shqiptarë, në atë karrige që ka. Jo për ta përdorur si një pronë private. Që në fakt me të gjithë rekordin e tij e ka treguar, qoftë me udhëtimet personale me avion privat, qoftë kur ikën për të parë shfaqjet më të shtrenjta në botë, qoftë kur ikën për të parë ndeshje basketbolli që bën 22 mijë dollarë një biletë për t'u ulur, qoftë kur hap galeri personale të padeklaruara në Romë, në Tokio, në Shangai e kudo në botë. Ky individ shtetin shqiptar e përdor për interesa personale dhe e ka grabitur si asetet e një politikani në historinë e këtij vendi”,-tha Këlliçi./CNA





Lajmet e fundit nga