web counter
LEXO PA REKLAMA!

SHKARKO APP

App Store
Google Play

E fundit!

x

Seanca plenare nis me debate për rendin e ditës

18 Qershor 2026, 10:31, Politikë CNA

Seanca plenare nis me debate për rendin e ditës

Seanca e sotme plenare ka nisur me diskutime për rendin e ditës dhe procesverbalin e seancës së kaluar.

Fillimisht ishte kreu i Partisë “Mundësia”, Agron Shehaj, që pretendoi se kishte tjetërsim të fjalës së tij në seancën e kaluar në procesverbalin e seancës së kaluar.

Po të njëjtin pretendim pati dhe kryetari i Partisë Demokratike, Sali Berisha, i cili tha se në procesverbal mungojnë fjali të tëra nga fjala e tij.

Më tej, Berisha tha se duhet të ndryshohet rendi i ditës, pasi nuk mund të flitet për gjë tjetër përveç protestës së qytetarëve.

 

 

“Në procesverbal keni censuruar fjali të tëra për shkak të tmerrit që keni nga fjala ime.
Por ato i kanë dëgjuar qytetarët dhe nuk është qëllimi pse e marr fjalën.
Qëllimi pse e marr fjalën është se gjithçka lexuat ju aty, nga e para tek e fundit, është një sfidë, është një karshillëk, është përçmim për protestën e qindra mijëra shqiptarëve të cilët kanë një agjendë ndër më të drejtën që ka pasur ndonjëherë, agjendë që u mbështet fuqimisht nga Parlamenti Europian dje.
Ky parlament nuk mund të trajtojë çështje tjetër përveç agjendës së qytetarëve në protestën më madhështore në historinë e këtij vendi. Ndaj dhe tërhiq rendin e ditës, t’i rikthehemi agjendës. Mendoj se ky është detyrimi absoluit i këtij parlamenti në mënyrë që të mos përfundojë edhe ky aty ku e meriton sa më shpejt”, tha Berisha.





Lajmet e fundit nga