web counter
LEXO PA REKLAMA!

SHKARKO APP

App Store
Google Play

E fundit!

x

“Të mos përsëriten gabimet”/ Leskaj: INSTAT të kryejë Censin e Bujqësisë, nevojë për të dhëna statistikore

16 Qershor 2026, 11:00, Politikë CNA

Deputeti demokrat, Bujar Leskaj, ngriti sot një problematikë lidhur me të dhënat statistikore që prodhohen në vend.

Duke folur në Komisionin e Ekonomisë, Leskaj tha se një rast i tillë vihet re edhe me Institutin e Statistikave (INSTAT), veçanërisht në mosrealizimin e deritanishëm të Censit të Bujqësisë.

Sipas deputetit, nevojitet transparencë në ndarjen e të dhënave për opinionin publik, për të mos cenuar as reputacionin e institucionit para raportimeve drejt organeve homologe të BE-së.

“Rezoluta dhe rekomandimet e Kuvendit konsistojnë në kërkesën për trajtimin e problematikave të mbartura të institucioneve. Në rastin e INSTAT, Censi i Bujqësisë duhet të realizohet në kohë, sipas planit të statistikave, pra brenda vitit 2026. Të mos përsëritet asnjë gabim që u vërejt në hartimin e Censit të popullsisë. Se kishte të meta dhe cenoi reputacionin e këtij institucioni. Duhet ta theksojmë këtë, qoftë edhe të formuluar pa e penalizuar opinionin publik. Nuk mendoj se ka ndonjë të keqe. Mund të përcjellim edhe rekomandim për thellimin e transparencës, bazuar edhe në këtë kërkesë të Progresraportit 2025. Gjithashtu, një rekomandim duhet edhe për statistikat e biznesit, që të mos jenë afatshkurtra, që INSTAT të plotësojë këtë kërkesë”,-tha Leskaj./CNA





Lajmet e fundit nga