web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria nënshkruan 3 konventa ndërkombëtare të Këshillit të Europës

15 Qershor 2026, 21:09, Politikë CNA

Këtë të hënë në Strasburg, u nënshkruan tre konventa ndërkombëtare të Këshillit të Europës.

Siç bëhet me dije zyrtarisht, i pranishëm ishte edhe Ministri i Drejtësisë, Toni Gogu, i cili e cilësoi si një hap të rëndësishëm në konsolidimin e kornizës ligjore të Shqipërisë dhe në thellimin e angazhimit të vendit tonë me vlerat europiane të shtetit të së drejtës.

E para, Konventa Kuadër e Këshillit të Evropës për Inteligjencën Artificiale, të Drejtat e Njeriut, Demokracinë dhe Shtetin e të Drejtës, traktati i parë ndërkombëtar juridikisht detyrues për rregullimin e inteligjencës artificiale , angazhon Shqipërinë të mbrojë të drejtat e qytetarëve, pavarësinë e gjyqësorit dhe integritetin e proceseve demokratike nga rreziqet e sistemeve IA.

E dyta, Konventa për Mbrojtjen e Profesionit të Avokatit, e hapur për nënshkrim vetëm në maj 2025 dhe e nënshkruar tashmë nga Bashkimi Europian, përforcon garantimin e pavarësisë së avokatëve si kusht i pakapërcyeshëm i aksesit në drejtësi dhe i shtetit të së drejtës.

E treta, Konventa ndërkombëtare për krijimin e Komisionit Ndërkombëtar të Kërkesave për Ukrainën, konfirmon pozicionin e qartë të Shqipërisë: e drejta ndërkombëtare mbrohet jo me fjalë, por me veprime. Ai që shkel pavarësinë e një shteti sovran mban përgjegjësinë për dëmet e shkaktuara./CNA





Lajmet e fundit nga