E fundit!

20:02 Aktualitet

Dita e 38 e protestës/ Nisin fjalimet përpara Kryeministrisë

Qytetarët kanë nisur fjalimet e tyre përpara Kryeministris...

"Po anulohen rezervimet"/ Rama: Në protesta ka frymë fashiste, bullizohen ata që mendojnë ndryshe

14 Qershor 2026, 09:46, Politikë CNA

Kryeministri Edi Rama ka folur në episodin e sotëm të podcastit të tij “Flasim”, lidhur me protestat që po zhvillohen prej dy javësh në Tiranë dhe qytetet e tjera të vendit.

Rama u shpreh se këto protesta kanë sjellë problematika si anulime të rezervimeve nga turistët e huaj.

Një tjetër problematikë sipas tij është bullizmi në rrjetet sociale ndaj atyre personave që sipas tij, nuk mendojnë si protestuesit. Ndër të tjera shtoi se në protestë ka një frymë fashiste që tregohet tek Shqipëria është vetëm e shqiptarëve, dhe jo të tjerëve.

Kreu i qeverisë theksoi se nëse anulimet do vazhdojnë ky sezon turistik nuk do të jetë i suksesshëm, por do të jetë i sabotuar nga vetë qytetarët e Shqipërisë.

“Edhe ata që protestojnë një pjesë duan që gjërat të shkojnë më mirë dhe janë të shqetësuar si do të shkojë zhvillimi në Zvërnec. Ndërkohë pjesa tjetër, dominante nuk është se nuk duan që gjërat të shkojnë mirë, por ashtu si duan ata të shkojnë gjërat, më e keqja vjen për Shqipërinë. Këtu kam parasysh partitë e vogla që mbetën të vogla, prurjet që vijnë nga territoret e tjera se ç’a lidhje kanë ata me këtë temë që ka të bëjë me Vlorë dhe vetëm një Vlorë nuk ka shkaktuar protestë, sepse ata e duan zhvillimin.

Duke shkuar në Vlorë dua të ndalem te një simptomë problematike, anulimet e rezervimeve për sezonin nga turistët e huaj. Nuk mund të rri pa thënë se edhe në Vlorë dhe Durrës ka pasur protesta të operatorëve turistikë, protesta sensibilizuese ku kërkojnë mirëkuptim që sezoni mos të dëmtohet. Një tjetër simptomë shumë e neveritshme është bullizmi ndaj njerëzve në Facebook dhe Instagram.

Ka një frymë fashiste që nuk ka nevojë për uniforma dhe armë. Fryma fashiste është ajo që thotë Shqipëria e shqiptarëve dhe të gjithë të tjerët jashtë. Fryma fashiste është kur ti thua unë dua të flas, të protestoj, por nuk dua dhe nuk pranoj që të tjerët të kenë një opinion tjetër nga imi. Nëse anulimet do vazhdojnë ky sezon turistik nuk do të jetë i suksesshëm, por do të jetë i sabotuar nga vetë ne”, tha Rama. /CNA