web counter
LEXO PA REKLAMA!

SHKARKO APP

App Store
Google Play

E fundit!

x

Balla takon VanHorn: Bashkëpunimi Shqipëri-SHBA, në dobi të partneritetit strategjik

12 Qershor 2026, 15:59, Politikë CNA

Balla takon VanHorn: Bashkëpunimi Shqipëri-SHBA, në dobi të

Kryetari i Grupit Parlamentar të Partisë Socialiste, Taulant Balla, priti sot në një takim të Ngarkuarën me Punë të SHBA-së në Tiranë, Nancy VanHorn.

Siç bëhet me dije nga Balla, takimi u zhvillua në kuadër të 250-vjetorit të Pavarësisë së Shteteve të Bashkuara dhe 104-vjetorit të njohjes dhe vendosjes së marrëdhënieve diplomatike mes Shqipërisë dhe SHBA-së.

Balla thekson se partneriteti strategjik me SHBA-në mbetet një prioritet i rëndësishëm për Shqipërinë, duke veçuar bashkëpunimin në forcimin e shtetit ligjor, konsolidimin e institucioneve demokratike, zhvillimin e ekonomisë së tregut dhe mbështetjen e investimeve amerikane në vend.

“Ndërsa SHBA-ja feston 250-vjetorin e Pavarësisë dhe së bashku kremtojmë 104-vjetorin e njohjes dhe vendosjes së marrëdhënieve diplomatike mes dy vendeve tona, gjithmonë e frytshme biseda me të Ngarkuarën me Punë të SHBA-së në Tiranë, Nancy VanHorn. Bashkëpunimi ynë me SHBA-në është sot në një nivel të shkëlqyer në çdo aspekt bilateral apo në kuadër të organizatave ku aderojmë së bashku, në dobi të partneritetit strategjik, të forcimit të shtetit ligjor dhe të parimeve të ekonomisë së tregut, në mbështetje të interesit dhe investimeve amerikane në Shqipëri”,-shprehet Balla./CNA





Lajmet e fundit nga