web counter
LEXO PA REKLAMA!

SHKARKO APP

App Store
Google Play

E fundit!

x

"Nuk bëhem pjesë e antimitingut"/ Arta Dade refuzon Ramën: PS është tjetërsuar

12 Qershor 2026, 14:11, Politikë CNA

"Nuk bëhem pjesë e antimitingut"/ Arta Dade refuzon

Ish-ministrja e Jashtme dhe një ndër figurat historike të së majtës, Arta Dade, ka refuzuar publikisht ftesën e kryesocialistit Edi Rama për të marrë pjesë në aktivitetin e 35-vjetorit të themelimit të Partisë Socialiste.

Dade e ka cilësuar organizimin e kryeministrit si një "antimiting" dhe ka bërë thirrje për distancim, duke vlerësuar se socialistët e vërtetë janë aktualisht në sheshin ku prej 13 ditësh rinia po proteston për dinjitet.

Sipas Dades, PS-ja nuk ka qenë kurrë një forcë që organizon kundërprotesta me presion administrativ. Ajo akuzon udhëheqjen aktuale për "zaptim" të partisë dhe shkëputje nga vlerat themelore të saj.

"Ai shesh që kërkon të mbushë sot zoti Rama nuk përfaqëson historinë e PS-së, por tjetërsimin e saj. Z. Rama po përpiqet ta shesë revoltën e rinisë si destabilizim, por e vërteta është se kjo protestë ka kërkesa thellësisht sociale dhe të majta," shprehet ish-ministrja.

Në deklaratën e saj, Dade shpreh zhgënjim të thellë edhe ndaj atyre ish-bashkëpunëtorëve të saj që kanë vendosur të marrin pjesë në aktivitetin e PS-së. Ajo i krahason ata me "dekor" të interesave personale, duke thënë se kanë dorëzuar dinjitetin përballë korrupsionit dhe arrogancës së pushtetit.

"Është e trishtueshme të shohësh figura që dikur kishin zë, sot pranojnë të përdoren si dekor, të nxitur nga interesa meskine. Ata kanë zgjedhur të jenë në anën e gabuar të historisë," thotë Dade./ CNA





Lajmet e fundit nga