web counter
LEXO PA REKLAMA!

SHKARKO APP

App Store
Google Play

E fundit!

x

Firma për projektligjin e Kodit Zgjedhor/ Ish-kreu i KQZ-së: Duhen 4 zona zgjedhore, listat 100% të hapura

15 Qershor 2026, 21:31, Politikë CNA

Firma për projektligjin e Kodit Zgjedhor/ Ish-kreu i KQZ-së: Duhen 4

Ish-kreu i KQZ, Kristaq Kume, komentoi sot dhënien e dritës jeshile nga Komisioni Qendror i Zgjedhjeve për të mbledhur firmat për projektligjin “Për ndryshime dhe shtesa në Kodin Zgjedhor të Republikës së Shqipërisë.

Në një dalje televizive, Kume u shpreh se rruga e vetme është që ndryshime të tilla të vijnë përmes votës.

Sipas juristit, Shqipëria duhet të ndahet në 4 zona zgjedhore, ndërsa sipas tij, listat zgjedhore duhet të jenë 100% të hapura.

“Nisma për ndryshimet në Kodin Zgjedhor dhe protesta e qytetarëve nuk vihen përballë njëra-tjetrës, por janë komplementare të njëra-tjetrës. Ore në fund fare, të bëjë çfarë të dojë qytetari në rrugë, ndryshimin mund ta sjellë vetëm përmes votës, nuk ka rrugë tjetër. Sheshi është një mundësi shumë e mirë sepse kemi shumë njerëz të grumbulluar dhe brenda një kohe të shkurtër mund të marrësh dhjetra e dhjetra mbështetës. Protesta u njoftua për këtë gjë dhe pati atë reagim të atyre që ose nuk e kuptuan ose janë dashakeqës dhe dolën e thanë: “dolën këta të kapin protestën”. Absolutisht nuk bëhet fjalë. Do t’u bëjmë thirrje qytetarëve të bëhen bashkautorë të kësaj nisme. Ne kërkojmë rregulla më të mira për zbatimin e këtij sistemi që kemi. Që Shqipëria të ndahet jo në 12 por në katër zona zgjedhore. Zgjedhjet të bëhen me lista 100 për qind të hapura, së treti që ndarja e mandateve mes subjekteve në garë zgjedhore të bëhet jo me formulën aktuale kur janë pjesëtuesit një, dy, tre, katër, pesë, por me pjesëtues me numra tek. Të tria këto krijojnë kushte shumë më të mira për të konvertuar vullnetin e zgjedhësve të shprehur në kutitë e votimit në mënyrë sa më proporcionale në Kuvendin e Shqipërisë”,-u shpreh Kume./CNA 

 





Lajmet e fundit nga