E fundit!

22:49 Aktualitet

VIDEO- “Turp, jep dorëheqjen”/ Protestuesit i zënë pritë Ramës në Berlin

Kryeministri Edi Rama është përballur me protesta nga dias...

Deklarata që nxjerr zbuluar deputetin Redi Muçi: Proteston për Zvërnecin, ndërsa familja e tij ka aksione në zonën e mbrojtur në Ksamil

16 Qershor 2026, 13:26, Politikë CNA

Deputeti socialist, Ardit Bido, ka ndarë sot disa detaje të panjohura lidhur me deputetin e Lëvizjes Bashkë, Redi Muçi.

Siç theksohet nga Bido përmes një postimi në rrjetet sociale, Muçi proteston vetëm për zonat e mbrojtura ku nuk ka përqindje, ndryshe nga rasti i zonës në Butrint.

Bido deklaron se familja e Muçit ka aksione në këtë zonë, prandaj edhe nuk di si të reagojë kur sheh hartën nëpër studio televizive.

Deklarata që nxjerr zbuluar deputetin Redi Muçi: Proteston për

Pronat e familjes Muçi-Zona e konturuar me të kuqe

Më tej, deputeti shprehet se Muçi del si protestues i madh për mosndërtimin në Zvërnec dhe revolucionar kundër interesave private, ndërsa e akuzon për dyfytyrësi.

“Redi Muçi proteston aty ku ai s’ka përqindje pronësie në zona të mbrojtura.

Shih si ngec gëk mëk kur i nxjerr hartën e zonës së mbrojtur në Butrint ku familja e tij ka aksione dhe i kërkoj të di pse s’ka protestuar për ndërtimet aty!

Redi Muçi sot del si protestues i madh për mosndërtimin në Zvërnec, si mbrojtës i zonave të mbrojtura, si patriot, si zëri i të varfërve dhe si revolucionar kundër interesave private.

Por pyetja është shumë e thjeshtë:

Pse nuk doli Redi Muçi të protestonte për zonën e mbrojtur të Amaresarit, brenda Parkut të Butrintit, që është zonë e mbrojtur e kategorisë 2, ku familja e tij është aksionere?

Ndërkohë që sot bën revolucion për Zvërnecin, një zonë e mbrojtur e kategorisë 5?

Çfarë ndryshoi?

Zona? Parimi? Apo përqindja?

Si mund të bësh patriotin shqiptar kur je nipi i vorioepirotistëve të Himarës?

I njëjti që sulmon sipërmarrjen dhe kapitalin, por nuk ka problem me kapitalin kur lidhet me rrethin e tij.

I njëjti që deklaron se nuk është marksist, por më pas flet vazhdimisht në emër të Marksit.

Patriotizmi nuk matet me pankarta.

Mbrojtja e mjedisit nuk matet me protesta selektive.

Dhe integriteti nuk matet me sa fort bërtet për një çështje, por me faktin nëse mban të njëjtin standard në çdo rast.

Unë jam pro ndërtimit si në Arameras edhe në Zvërnec! Ai është selektiv në varësi të lekëve oligarke që ka.

Kjo është arsyeja pse problemi i Muçit nuk është Zvërneci.

Problemi është dyfytyrësia”,-shkruan Bido./CNA