web counter
LEXO PA REKLAMA!

SHKARKO APP

App Store
Google Play

E fundit!

x

Nën hetim nga SPAK/ Meta tenton të mbulojë bëmat e tij

8 Tetor 2022, 14:41, Politikë CNA

Nën hetim nga SPAK/ Meta tenton të mbulojë bëmat e tij

Ndaj kreut të PL-së, Ilir Meta ka disa padi në SPAK.

Ndërkohë që po hetohet nga SPAK-u, Meta shfaqet në avokatin e qytetarëve.

Pasi për më shumë se 30 vite ka mbajtur çdo post të mundshëm, dhe për çdo kosto të qytetarëve është apo aq fajtorë sa Qeveria, Meta tenton të mbulojë bëmat e tij apo t’u hedhë hi syve qytetarëve.

Me anë të një postimi në rrjete sociale, Meta akuzon kryeministrin Edi Rama për largimin e qytetarëve nga vendi.

“I pafytyri i “Rilindjes” kërkon të fajësojë Bashkimin Europian dhe vendet e zhvilluara për shpopullimin e qëllimshëm që ai me sektin e “Rilindjes” i kanë bërë vendit tonë duke goditur shtresën e mesme, intelektualët dhe profesionistët në radhë të parë, me demotivimin financiar dhe moral.

Ndaj Shqipëria është e fundit në rajon për nivelin e pagës të arsimtarëve, pedagogëve, mjekëve, infermierëve dhe intelektualëve.

Sepse të ardhurat që duhet të shkojnë për të rritur pagat e tyre dhe përmirësuar kushtet e punës vidhen nga Edvin Rama përmes aferave si inceneratorët, koncesionet, PPP, tenderat sekretë dhe çmimet më të larta në Europë të karburanteve.

Koha për ta ndëshkuar këtë sekt të papërgjegjshëm, shpopullues dhe antikombëtar”, shkruan Meta./CNA.al





Lajmet e fundit nga