web counter
LEXO PA REKLAMA!

SHKARKO APP

App Store
Google Play

E fundit!

x

Miliarderi i PL-së, ankohet për çmimet/ Akuzon Qeverinë për vjedhje

8 Tetor 2022, 16:13, Politikë CNA
Miliarderi i PL-së, ankohet për çmimet/ Akuzon Qeverinë
Ilir Meta, kryetari i Partisë së Lirisë

Ilir Meta, kryetari i Partisë së Lirisë, që ka një pasuri prej 4 miliardë lekësh, ka shprehur sërish shqetësim në lidhje me çmimet.

Konkretisht, Meta është ankuar për çmimin e naftës, i cili u rrit sërish nga Bordi i Transparencës në mbledhjen e fundit.

Gjithashtu, kreu i PL-së ka akuzuar Qeverinë se po vjedh dhe grabit shqiptarët me taksat e larta.

“Qytetarët shqiptarë paguajnë më shtrenjtë se kushdo tjetër në rajon për çmimin e naftës.

Nafta në Shqipëri shitet më shtrenjtë, sepse Qeveria vjedh dhe grabit me taksat e larta, duke rënduar dhe varfëruar buxhetet familjare.

Në vend që të lehtësonte barrën fiskale, ashtu siç bënë vendet e rajonit dhe të Europës, Qeveria krijoi Bordin, vendimet e të cilit nuk bëjnë gjë tjetër veçse e  klasifikojnë Shqipërinë ndër vendet e para në botë për çmimin më të shtrenjtë të naftës.

Heqja e taksave në çmimin e naftës në këtë situatë krize globale është një shqetësim real i qytetarëve, për të cilin Partia e Lirisë ka depozituar në Kuvendin e Shqipërisë projektligjin për heqjen e taksës së karbonit dhe qarkullimit që do të lehtësonte ndjeshëm çmimin e naftës”, shkruan Meta në rrjetet sociale./ B.A. – CNA.al





Lajmet e fundit nga