web counter
LEXO PA REKLAMA!

SHKARKO APP

App Store
Google Play

Prokuroria nuk pranoi të nisë hetime për Autoritetin e Dosjeve/ Meta bën të paditurin: Është e pamundur

8 Tetor 2022, 18:57, Politikë CNA
Prokuroria nuk pranoi të nisë hetime për Autoritetin e Dosjeve/
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, është pyetur mbrëmjen e sotme për vendimin e Prokurorisë, e cila rrëzoi kallëzimin e ish-presidentit dhe nuk nisi hetime për Autoritetin e Dosjeve.

Meta pretendon se nuk ka një informacon të tillë, pasi tha në emisionin “Kjo Javë” se e shikon të pamundur nga ana procedurale mosnisjen e hetimeve.

Ai ngriti akuzat se drejtësia shqiptare është e marrë peng dhe deklaroi se çështjen do ta dërgojë në gjykatën europiane.

“Nuk kam asnjë informacion të tillë se prokuroria nuk ka regjistruar një kallëzim të tillë, sepse avokati im, e shikon të pamundur nga ana procedurale një gjë të tillë. Por jemi në kushtet e një drejtësie të marrë peng e nuk presim ndonjë gjë të madhe, por çështja do të konsumohet në të gjitha fazat, dhe në çdo rast do shkojë në gjykatën europiane, sepse është një falsifikim e manipulim i një autoriteti që ka për detyrë të respektojë ligjin. Çfarë do të bëjë Rama dhe ata që kanë orkestruar këtë falsifikim ordiner, ajo do shkojë në gjykatë europiane dhe do të ketë një vendim.

Në rastin konkret nuk ndihesh mirë, por për mënyrën si lëndohen njerëz që nuk kanë lidhje me politikën. Akt çnjerëzor, por për mua këto janë gjërat më të parëndësishme, fuqia ime ka qenë integriteti dhe se askush s’ka pasur mundësi të më bëjë shantazh, jam krenar për të kaluarën time", theksoi ish-presidenti./ B.A. - CNA.al





Lajmet e fundit nga