web counter
LEXO PA REKLAMA!

SHKARKO APP

App Store
Google Play

“Ka larguar masivisht shërbimet ndaj qytetarëve”/ Berisha: Përkushtim për të përmbushur misionin

9 Tetor 2022, 11:02, Politikë CNA
“Ka larguar masivisht shërbimet ndaj qytetarëve”/ Berisha:
Kreu i PD-s, Sali Berisha në konferencë

Kreu i PD-s, Sali Berisha, ka hedhur akuza ndaj qeverisë, duke thënë se ka larguar çdo shërbim nga qytetarët.

Gjatë bashkëbisedimit të tij me gratë demokrate, Berisha theksoi se duhet bërë gjithçka për të përmbushur misionin e PD-së dhe për të takuar çdo qytetar.

Sipas tij një nga armët më të fuqishme për të qenë sa më afër qytetarëve janë mediat sociale.

“Ka larguar masivisht shërbimet nga qyteti dhe kjo ka dëmtuar vetëm shërbimin e qytetarëve.

Shqipëria nuk ka asnjë territor për t'u braktisur. Ka të gjitha potencialet për të zhvilluar ato në interesin më të mirë të banorëve dhe të saj në tërësi. Ne kemi këtë politikë dhe kësaj i besojmë dhe do të vazhdojmë me vendosmëri.

Ne si parti operojmë në kushtet ku mediat kryesore i kontrollon qeveria, ku burimet financiare i ka qeveria, por atë që nuk e ka në dorë qeveria është vendimi ynë për ta përmbushur misionin që kemi dhe takimi me qytetarët është rruga kryesore e jona për t’i bindur. Njerëzit e lirë që diskutojnë për probleme, për vlera, për zgjidhje alternative janë njerëz me ideale dhe që arrijnë të përmbushin misionin e tyre. Ne nuk kemi mjete të tilla ne duhet të takojmë çdo ditë, secili prej nesh duhet t’i përkushtohet këtij misioni.

E kam theksuar një armë e fuqishme në duart tona janë mediat sociale”, tha Berisha./ CNA.al





Lajmet e fundit nga