LEXO PA REKLAMA!

SHKARKO APP

Provat e reja për 21 Janarin/ Zbardhet kallëzimi i socialistëve në SPAK

25 Janar 2023, 09:39, Aktualitet CNA

Provat e reja për 21 Janarin/ Zbardhet kallëzimi i socialistëve

Ministri i Drejtësisë, Ulsi Manja, ka kallëzuar penalisht në SPAK, Sali Berishën, në cilësinë e deputetit të Kuvendit të Shqipërisë si dhe ish-kryeministër i Republikës së Shqipërisë, Lulzim Bashën, në cilësinë e deputetit të Kuvendit të Republikës së Shqipërisë si dhe ish-ministri i Brendshëm i Republikës së Shqipërisë, si dhe Ndrea Prendi, në cilësinë e ish-komandantit të Gardës së Republikës.

Kjo lëvizje e Qeverisë erdhi pas daljes në dritë të audio-regjistrimit, të publikuar nga gazetari Artan Hoxha.

CNA.al ka zbardhur kallëzimin penal, që ndodhet në duar të prokurorëve të SPAK-ut, pjesë të së cilës po i sjellim më poshtë.

Provat e reja për 21 Janarin/ Zbardhet kallëzimi i socialistëve

Kush u gjet përgjegjës për 21 Janarin

Me datën 21 janar 2011 është zhvilluar një tubim në bulevardin “Dëshmorët e Kombit”, ku opozita e asaj kohe (Partia Socialiste), lajmëroi protestë pas skandalit me videon Ilir Meta - Dritan Prifti, ku flitej për "7%" të një koncesioni.

Në këtë tubim ka qenë i planizuar edhe i kallëzuari Ndrea Prendi, i armatosur me armën e tij personale, gjatë ushtrimit të detyrës si komandant i Gardës së Republikës.

Teksa po protestohej para kryeministrisë, për një moment nisën të dëgjoheshin të shtëna armësh brenda territorit të kryeministrisë, dhe këto të shtëna lanë të vdekur shtetasit Hekuran Deda, Ziver Veizi, Faik Myrtaj dhe Aleks Nika.

Hetimi i parë çoi si të pandehur për ngjarjen Ndrea Prendin dhe Agim Llupon.

Provat e reja për 21 Janarin/ Zbardhet kallëzimi i socialistëve
Agim Llupo

Gjykata vlerësoi se vrasjet e Ziver Veizit, Faik Myrtajt dhe Hekuran Dedajt kanë ndodhur nga pakujdesia dhe dënoi ish-komandantin e Gardës, Ndrea Prendi, me një vit burg, si dhe gardistin Agim Llupo me 3 vite heqje lirie. Konkretisht, me vendimin nr. 100, datë 07.02.2013, Gjykata e Rrethit Gjyqësor Tiranë ka vendosur deklarimin të pafajshëm të kallëzuarin Ndrea Prendi për veprën penale të “Vrasjes me dashje e kryer në mënyrë të rrezikshme për jetën e shumë personave”, parashikuar nga neni 79, germa “ë” e Kodit Penal.

Provat e reja për 21 Janarin/ Zbardhet kallëzimi i socialistëve

Me vendimin nr. 793, datë 18.09.2013, Gjykata e Apelit Tiranë ka vendosur të deklarojë fajtor të kallëzuarin Ndrea Prendi për kryerjen e veprës penale të “Vrasjes nga pakujdesia”, parashikuar nga neni 85 i Kodit Penal dhe, bazuar në ketë dispozitë, dënimin e tij me 1 (një) vit burgim. Kolegji Penal i Gjykatës së Lartë, me vendimin nr. 00-2016-690, datë 25.04.2016 ka vendosur mospranimin e rekurseve të paraqitura nga palët ndërgjyqëse kundër vendimit nr. 793, datë 18.09.2013, të Gjykatës së Apelit Tiranë.

Provat e reja, ku bazohet kallëzimi

Provat e reja për 21 Janarin/ Zbardhet kallëzimi i socialistëve

Në emisionin televiziv “Zona Zero”, të transmetuar nga kanali televiziv “Top News”, gazetari Artan Hoxha është shprehur :

“Është një regjistrim audio. Vrasjet janë bërë me urdhër, por serverët u fshinë, procesverbalet u fshinë, nuk u la më asnjë gjurmë, për të fshehur faktin se kush i kreu vrasjet. Por nuk u fshinë ato të ndërkombëtarëve europianë, se për ata përtej Adriatikut nuk e di. Më thirrën fillimisht që të identifikoja se kush ishin personat. Pra, të lidhja zërin me figurën. Prandaj më vjen për të qeshur mua kur kërkojnë prova për ‘non grata’. Përgjimet jam tronditur kur i kam dëgjuar. Aty kupton se çfarë ka ndodhur. Kjo është një provë e fortë që tregon se protestuesit janë vrarë me urdhër në intensitetin e protestës. Dhe kur njerëzit ishin lodhur.

Ky material është regjistruar nga aletatët tanë. Kur dalin këto vendimet ‘non grata’ dhe kur këta të shpallur kërkojnë prova mua më vjen të qesh sepse ata e dinë çfarë provash kanë. Regjistrimi është bërë nga një vend aleat.

Provat e reja për 21 Janarin/ Zbardhet kallëzimi i socialistëve

Ma vuri në dispozicion për të bërë leximin e ngjarjes. Më në fund pas 12 vitesh, m’u dha mundësia të kem një provë që dëshmon se vrasjet janë bërë me urdhër dhe ofcerët që kanë qëlluar me urdhër.

Ky material që është siguruar pas një kohe kaq të gjatë i jep mundësinë që të gjejë përgjegjësin dhe t’i qetësojë familjarët. Komunikoni vetëm stafi drejtues dhe ai që konsiderohej grupi i zjarrit. Ka qenë drejtor i Përgjithshëm i Policisë së Shtetit dhe drejtor i Policisë së Tiranës.  Aty dëgjohet që flet edhe ministri i Brendshëm i asaj kohe që ka qenë Lulzim Basha."

Gazetari investigativ Artan Hoxha ka bërë me dije detaje të reja lidhur me vrasjen ndaj katër shtetasve në datë 21 janar 2011.

Në fjalën e tij, Artan Hoxha në "Zona Zero" është shprehur se për të komunikuar është përdorur një kanal i veçantë në radio ("202 i Tufanit") që nuk aksesohej nga të gjithë. Madje, edhe pse nuk kishte radio, në komunikim është përfshirë edhe ish-ministri i Brendshëm, Lulzim Basha. Por fjalët e tij nuk i ka bërë publike bashkë me përgjimet e tjera.

Provat e reja për 21 Janarin/ Zbardhet kallëzimi i socialistëve

Çfarë kërkojnë socialistët nga SPAK-u?

Nga përmbajtja e komunikimeve, provave të reja, rezultojnë të dhëna si dhe fjalë konkrete të të kallëzuarit Ndrea Prendi gjatë zhvillimit të kësaj ngjarjeje, ku del në pah më së miri dhënia e urdhrave për të shtënë me armë zjarri ndaj protestuesve, urdhra, të cilët nisin nga persona të tjerë, funksionarë të lartë shtetërorë, siç janë të kallëzuarit e tjerë, ish-kryeministri Sali Berisha dhe ish-ministri i Brendshëm Lulzim Basha.

Për më tepër, gazetari Artan Hoxha ka deklaruar publikisht se materialet e përgjimit kanë të dhëna të tjera, të cilat ka çmuar të mos i vërë në dispozicion të publikut të gjerë në këtë moment, pasi mund t’i vlejnë hetimit të çështjes nga organet kompetente.

Mbi bazën e këtyre të dhënave, vlerësojmë se Prokuroria e Posaçme duhet të zhvillojë hetime konkrete ndaj të kallëzuarve si dhe personave të tjerë që do të rezultojnë nga dinamika hetimore, të cilët janë të përfshirë dhe kanë përgjegjësi në vrasjen e katër viktimave të sipërcituara.

Të dhënat që do të përftohen nga hetimet do të vlejnë si për hetimin e ri të nisur, por dhe për çështje që mund të jenë pushuar (neni 329/c i Kodit të Procedurës Penale) apo gjykuar (neni 450/1, germa c, i Kodit të Procedurës Penale). Për këto arsye, i drejtohemi me kallëzim penal Prokurorisë së Posaçme (SPAK), e cila ka kompetencën lëndore për hetimin e çështjes. Së pari, në këndvështrim të së drejtës procedurale penale, kërkesa i drejtohet kësaj gjykate, në bazë të nenit 75/a të Kodit të Procedurës Penale, ku parashikohet shprehimisht se:

“Gjykata kundër Korrupsionit dhe Krimit të Organizuar gjykon: a) krimet e parashikuara nga nenet 230, 230/a, 230/b, 230/c, 230/ç, 231, 232, 232/a, 232/b, 233, 234, 234/a, 234/b, 244, paragrafi 2, 244/a, 245, 245/1, paragrafët 2 dhe 4, 257, 258, paragrafi 2,259, paragrafi 2, 259/a, 260, 312, 319, 319/a, 319/b, 319/c, 319/ç, 319/d, 319/dh, 319/e, 328 dhe328/b të Kodit Penal; b) çdo vepër penale e kryer nga grupi i strukturuar kriminal, organizata kriminale, organizata terroriste dhe banda e armatosur, sipas përcaktimeve të Kodit Penal; c) akuzat penale kundër Presidentit të Republikës, Kryetarit të Kuvendit, Kryeministrit, anëtarit të Këshillit të Ministrave, gjyqtarit të Gjykatës Kushtetuese dhe të Gjykatës së Lartë, Prokurorit të Përgjithshëm, Inspektorit të Lartë të Drejtësisë, kryetarit të bashkisë, deputetit, zëvendësministrit, anëtarit të Këshillit të Lartë Gjyqësor dhe të Këshillit të Lartë të Prokurorisë, dhe drejtuesve të institucioneve qendrore ose të pavarura të përcaktuara në Kushtetutë ose në ligj

Provat e reja për 21 Janarin/ Zbardhet kallëzimi i socialistëve

ç) akuzat penale kundër ish-funksionarëve të mësipërm, kur vepra është kryer gjatë ushtrimit të detyrës.”

Sipas nenit 8 të ligjit Nr. 95/2016, të ndryshuar:

“1. Kompetenca lëndore parësore e gjykatave kundër korrupsionit dhe krimit të organizuar

parashikohet në nenin 75/a të Kodit të Procedurës Penale.

2. Gjykata kundër korrupsionit dhe krimit të organizuar dhe Prokuroria e Posaçme janë kompetente për të shqyrtuar, hetuar dhe ndjekur penalisht çdo vepër penale, sipas pikës 1, të këtij neni, edhe në rastet kur nuk ngrihet akuzë kundër një zyrtari, sipas nenit 135, pika 2, të Kushtetutës, ose kundër një drejtuesi të një institucioni qendror ose të pavarur, sipas këtij ligji, ose nëse ai zyrtar publik ose zyrtar i lartë largohet gjatë kohëzgjatjes së hetimit.”

Sipas të dhënave, të kallëzuarit Sali Berisha dhe Lulzim Basha hyjnë në rrethin e subjekteve që procedohen nga prokuroria e posaçme, kështu dhe i kallëzuari Ndrea Prendi, i cili ka mbajtur detyrën e lartë të komandantit të Gardës së Republikës.

Nga të dhënat e deritanishme, secili prej të kallëzuarve, si dhe në bashkëpunim me njëri-tjetrin kanë konsumuar plotësisht elementet e veprave penale të parashikuara nga nenet 79, germa “dh”, si dhe 248 të Kodit Penal, që faktohet me vrasjen e më tepër se dy viktimave si dhe kryerjen e moskryerjen në mënyrë të kundërligjshme të detyrës për ekzekutimin e urdhrave të ndalimit të lëshuar nga organi i Prokurorisë për ngjarjen e datës 21.1.2011 si dhe në tërësi për faktin e ndodhur kriminal.

Bazuar në nenet 280, 281 dhe 287/1 të K.Pr. Penale kërkojmë regjistrimin e procedimit penal në ngarkim të shtetasve Sali Berisha, Lulzim Basha dhe Ndrea Prendi, për kryerjen e veprave penale të sipërcituara.

Gjithashtu, kërkojmë marrjen dhe administrimin në rrugë procedurale të materialit zanor, që disponohet nga gazetari investigativ Artan Hoxha, i cili ka rëndësi thelbësore për fillimin dhe vazhdimin e hetimeve për këtë çështje./CNA.al

Lajmet e fundit nga