LEXO PA REKLAMA!

SHKARKO APP

"Arrestimi i McGonical, implikon Ramën"/ Boçi: SPAK-u të marrë dosjen nga partnerët

25 Janar 2023, 12:16, Aktualitet CNA

"Arrestimi i McGonical, implikon Ramën"/ Boçi: SPAK-u

Nënkryetari i PD-së, Luçiano Boçi, ka komentuar arrestimin e ish-zyrtarit të FBI-së, McGonical, dhe lidhjet e tij me kryeministrin Edi Rama.

Përmes një reagimi në rrjetet sociale, Boçi ka hedhur akuza të forta ndaj Ramës duke shkruar se është personi që ka trazuar në pazare, krim dhe korrupsion politikën shqiptare.

Ndër të tjera, Boçi i bën thirrje SPAK-ut të marrë dosjen nga partnerët për të hetuar Ramën dhe lidhjet e tij me Charles McGonical.

Fundi po i vjen pa lavdinë e ëndërruar!

Edi Rama, personi që ka trazuar në pazare, kulisa, krim, shit-blerje dhe korrupsion politikën shqiptare, po e merr faturën e tij të plotë nga ata që është përbetuar se do më shumë!

Arrestimi i Charles McGonigal një prej zyrtarëve më të lartë të FBI-së në SHBA për vizitat e paguara në Tiranë ndaj tij dhe lidhjet e këtij të fundit me një oligark rus, implikon drejtëpërdrejtë Edi Ramën!

Sot ai nuk fshihet dot pas gishtit! Në foltoren e Parlamentit e tha me zë dhe figurë plot krenari: Po Charles McGonigal është miku im!

Po tani?!

SPAK duhet thjeshtë të marrë dosjen nga partnerët! Vetëm kaq!”, shkruan Boçi./ CNA.al

Lajmet e fundit nga