LEXO PA REKLAMA!

SHKARKO APP

Pronarë mediash dhe gazetarë u blenë nga inceneratorët/ Emrat e “ushtarëve” të aferës korruptive

1 Janar 2023, 15:10, Aktualitet CNA

Pronarë mediash dhe gazetarë u blenë nga inceneratorët/

Afera korruptive e inceneratorëve i ka shtrirë zgjatimet edhe në media, duke ngritur kështu dyshime se po përdoren si lavatriçe të pastrimit të parave.

CNA.al ka denoncuar me dokumente, përgjatë vitit 2022, përfshirjen e mediave në aferën e inceneratorëve.

Për herë të parë janë publikuar nga CNA.al dokumente ekskluzive, që tregojnë se si miliona lekë kanë përfunduar te mediat kryesore në vend.

Po i risjellim edhe për kujtesë të SPAK-ut, i cili deri më tani ka qenë i butë përballë dyshimeve për pastrim parash nga mediat në favor të njerëzve të inceneratorëve që sot janë në kërkim.

“Top Channel” është njëra prej mediave që ka marrë para nga inceneratorët.

Janë dy kompani, ku Vjollca Hoxha del në ortakëri me pronarët e inceneratorëve.

Së pari është “Em Capital Group”, me aksionerë pronarët e inceneratorëve, e cila ka blerë 51 për qind të aksioneve të “Valtelina Kafe” për 2.2 milionë dollarë dhe që pas tri vitesh njerëzit e inceneratorëve të shpallur në kërkim i kanë kthyer Vjollca Hoxhës, të njëjtat aksione.

Gjithashtu është një tjetër kompani, “Kudo Pay”, ku Vjollca Hoxha dhe Stela Gugallja, janë aksionere, pra në ortakëri me inceneratorët.

SPAK-u ende nuk ka folur për ortakëritë dhe avokatitë mediatike të inceneratorëve, ndërkohë që “Top Channel” ka vijuar të marrë para nga inceneratorët, edhe pse pronarët e tyre janë në kërkim.

CNA.al ka raportuar edhe për dy fatura që u përkasin muajve gusht dhe shtator 2022, ku inceneratorët kanë derdhur miliona për “Top Channel”.

"Top Channel" në muajin gusht ka marrë 58 milionë e 565 mijë lekë të vjetër nga inceneratori i Tiranës.

Pronarë mediash dhe gazetarë u blenë nga inceneratorët/

Ndonëse inceneratori i Tiranës nuk funksionon, jep miliona për “Top Channel”.

Pagesat kanë vijuar në muajin shtator, po këtë vit, ku janë dhënë 58 milionë e 565 mijë lekë të vjetër.

Pronarë mediash dhe gazetarë u blenë nga inceneratorët/

Miliona lekë kanë shkuar edhe për kompanitë e gazetarit Endrit Habilaj, kompanitë e të cilit kanë përfituar rreth 50 mijë euro.

Pronarë mediash dhe gazetarë u blenë nga inceneratorët/

Ai ka marrë para nga inceneratorët me anë të tri kompanive si “VOX TV”, “Infinit Communication” dhe “SH.Q.I.P”.

Me anë të kompanisë “VOX TV”, Endrit Habilaj,ka marrë 979 949 lekë të rinj, në pak muaj të vitit 2021.

Edhe nëpërmjet kompanisë “Infinit Communication”, Endrit Habilaj, ku është ortak me Ornela Pangon, ka marrë 1 774 872 lekë të rinj, vetëm me 4 fatura.

Ndërsa me kompaninë tjetër, “SH.Q.I.P”, sipas faturave të siguruara nga CNA.al, kanë dhënë rreth 20 000 euro.

Në total për vitin 2021, Habilaj është paguar nga inceneratorët 2 847 079 lekë.

Hysenbelliu dhe pagesat nga inceneratorët.

Pronarë mediash dhe gazetarë u blenë nga inceneratorët/

Kompania “Focus Group” e Irfan Hysenbelliut që përfshin televizionin “News 24”, “Balkanweb”, etj, ka marrë gjithashtu miliona lekë nga inceneratorët, ndërsa në listëpagesë ka qenë edhe kompania e televizionit “Fax News”.

Vetëm në gjysmën e parë të 2021-shit, “Focus Media News”, ka marrë gati 100 milionë nga kompania e Klodian Zotos së inceneratorëve.

Në shtatë muajt të vitit 2021, pra nga janari në korrik, Irfan Hysenbelliu është paguar me gati 11 mijë euro në muaj ose 13 milionë lekë.

Pra, është paguar në një total prej 91 milionë lekësh vetëm në 7 muaj të vitit 2021.

Pronarë mediash dhe gazetarë u blenë nga inceneratorët/

Edhe “Fax Media News” e familjarëve të Irfan Hysenbelliut, është paguar sistematikisht nga kompanitë e inceneratorëve.

Sipas të dhënave të siguruara nga CNA.al, në të paktën 7 fatura të vitit 2021, vlera shkon mbi 90 milionë lekë, para të ekzekutuara për “Fax Media News”.

Pronarë mediash dhe gazetarë u blenë nga inceneratorët/

Pjesë e skemës, edhe Baton Haxhiu

Miliona kanë marrë edhe portale periferike.

Ka pagesa të kryera nga kompanitë e inceneratorëve për “Albanian Post”, që administrohet nga Baton Haxhiu, i cili është edhe ortak i vetëm me 100% të kapitalit.

Pronarë mediash dhe gazetarë u blenë nga inceneratorët/

Incenaratorët paguan edhe Carlo Bollinon

Një ndër mediat e paguara nga kompanitë e inceneratorëve është edhe ajo e Carlo Bollinos.

Carlo Bollino dhe mediat e tij paguhen prej vitesh nga pronarët e inceneratorëve me shuma që në total kalojnë qindra miliona lekë.

Sipas dokumenteve ekskluzive të siguruara nga CNA.al, “MTSC” e Carlo Bollinos është paguar rreth 40 mijë euro në 7 fatura të ekzekutuara, ku vetëm në muajin prill janë paguar 18 milionë lekë ose gati 17 mijë euro.

Vetëm për një periudhë të shkurtër, në total për shtatë pagesa të ekzekutuara në vitin 2021 janë paguar për median e Carlo Bollinos 4.432.771 lekë.

Pronarë mediash dhe gazetarë u blenë nga inceneratorët/

Këto janë fakte që njerëzit e skemës së inceneratorëve në Elbasan, Fier dhe Tiranë, i kanë shtrirë tentakulat edhe në media./CNA.al

Lajmet e fundit nga