web counter
LEXO PA REKLAMA!

SHKARKO APP

App Store
Google Play

Sulmi ndaj Berishës dhe Samiti BE-Ballkani Perëndimor/ Dy ngjarjet që kulmuan dhjetorin

31 Dhjetor 2022, 19:20, Aktualitet CNA
Sulmi ndaj Berishës dhe Samiti BE-Ballkani Perëndimor/ Dy ngjarjet
Foto ilustruese

Dy nga ngjarjet që kulmuan muajin Dhjetor ishin Samiti BE-Ballkani Perëndimor dhe protesta e opozitës, ku u dhunua edhe kreu i PD-së, Sali Berisha.

27 liderë të Europës zbarkuan në Tiranë më 6 dhjetor dhe në po të njëjtën ditë pavarësisht reagimeve kundër, opozita vendosi të protestonte. Ajo që pritej të ishte një protestë paqësore me mesazhe për liderët europianë që të shihnin realitetin e vërtetë shqiptar, u shënjua nga një sulm kundër kreut të PD-së, Sali Berisha.

Sapo doli nga selia blu për të marshuar drejt vendit ku do të mbahej protesta, ku e prisnin mijëra demokratë të mbledhur nga të gjithë qytetet e Shqipërisë, gjatë rrugës u godit me grusht nga një 31 vjeçar që u identifikua më pas si Gerti Shehu.

Sulmi ndaj Berishës dhe Samiti BE-Ballkani Perëndimor/ Dy ngjarjet
Foto ilustruese

Situata e tensionuar, lideri i opozitës, ish kryeministri i vendit u godit nga Gerti Shehu, ku menjëherë pas dorëzimit tek autoritetet, doli një dokument që tregonte që kishte çrregullime të shëndetit mendor.

Vetë kreu i PD pavarësisht ngjarjes, goditjes, vendosi të dilte në podium dhe të ulte tensionet tek protestuesit, duke dhënë mesazhet për liderët europianë kundër asaj që Berisha e quan regjimi i Edi Ramës, shkruan CNA.al.

Sulmi ndaj Berishës dhe Samiti BE-Ballkani Perëndimor/ Dy ngjarjet
Foto ilustruese

Pas kësaj, Berisha në konferencën për shtyp akuzoi kryeministrin Edi Rama, minsitrin e brendshëm Bledi Çuçi dhe Ardi Veliun për dhunën ndaj tij duke e quajtur atentat.

31 vjeçarit iu komunikua masa e aarestit me burg në spitalin e Traumës, ku përfundoi pasi u godit nga truprojat dhe mbështetësit e kreut të PD-së.

Nga ana tjetër, Gerti Shehu vendosi të mos denonconte truprojat e Sali Berishës.

Kjo ngjarje pushtoi të gjitha mediat shqiptare por jo vetëm. Dhuna ndaj kreut të opozitës u pasqyrua edhe nga mediat e huaja të cilat shkruan se lideri i opozitës u sulmua fizikisht në protestën kundër qeverisë./ CNA.al





Lajmet e fundit nga