Nuk shpëtuan as këtë vit/Gafat e politikanëve shqiptarë që bënë xhiron e rrjetit

31 Dhjetor 2022, 15:00, Aktualitet CNA

Nuk shpëtuan as këtë vit/Gafat e politikanëve shqiptarë

Politikanët nuk u kanë shpëtuar gafave edhe 2022-shin. Ndonëse nga pakujdësia, shpejtësia, por edhe nga emocionet ata kanë bërë lapsuse të cilat kanë bërë xhiron e rrjetit duke u kthyer shpeshherë edhe në një material për të shkaktuar të qeshura.

Një ndër figurat e politikës shqiptare që është kthyer në një nga personazhet që kanë bërë gafat më të mëdha të 2022-shit është deputeti i Partisë Demokratike, Edmond Spaho.

Spaho ka lëshuar perlën në Kuvend. Teksa i përgjigjej kryeministrit për sharjet, deputeti ka bërë një lapsus, ku në vend që të thoshte “kam vrarë mendjen”, është shprehur gjithmonë “kam vrarë veten”.

“Gjithmonë kam vrarë veten, kam vrarë mendjen, e mirë një lapsus, ju kërkoj ndjesë”, është shprehur Edmond Spaho.

Nuk shpëtuan as këtë vit/Gafat e politikanëve shqiptarë

Bora Muzhaqi, ministrja për Rininë dhe Fëmijët ose e njohur ndryshe si “ministria e gafave” ka lëshuar disa të tilla gjatë takimeve dhe mbledhjeve te ministrisë.

Gjatë mbledhjes së kongresit të Partisë Socialiste, Muzhaqi ka kërkuar ndjesë për diellin e tepruar duke bërë kështu gabimin e saj të radhës.

“Do falenderoj shumë panelistët dhe ndjesë për diellin e tepruar po ia keni dalë më së miri… Besoj se të rinjtë sot kanë mësuar disa gjëra të reja”, u shpreh ajo.

Por, ministrja nuk u ndal me kaq. Në takimin e zhvilluar me gjimnazistët e qytetit të Fierit, ajo iu drejtua atyre duke u thënë se ata gjimnazistë që kanë fëmijë në klas të parë mund t’i pyesin se çfarë po mësojnë në kurrikulat e reja.

“Ka një metodologji që bazohet tek një lojë në mënyrë argëtuese. Për ata prej jush qe keni fëmijë në klasë të parë (ju s’keni fëmijë në fakt) por ju keni motra dhe vëllezër që mund të jenë në klasë të parë mund t'i pyesni se çfarë po mësojnë ata gjatë kësaj kurrikule të re”, tha ajo gjatë fjalimit të saj.

Nuk shpëtuan as këtë vit/Gafat e politikanëve shqiptarë

Nga kjo vorbull gabimesh nuk u përjashtua as ministria e Ekonomisë dhe Financave, Delina Ibrahimaj. Gjatë një mbledhje ajo u shpreh se gjysmë miliardë shqiptarë jetojnë në Itali. Ndërkohë as 500 milionë dhe as 500 miliardë shqiptarë nuk janë pritur në Itali pasi kjo shifër është jashtëzakonisht e madhe për të qenë e vërtetë.

“Më lejoni të shprehem kështu se Italia ka mirëpritur mbi gjysmë milioni shqiptarë, miliardë shqiptarë” , ka deklaruar ajo./ CNA.al