web counter
LEXO PA REKLAMA!

SHKARKO APP

App Store
Google Play

E fundit!

x

Familjarët e Aleks Nikës nuk dorëzojnë audio-përgjimin/ "Është pronë e jona, do t'ia japim vetëm SPAK-ut"

25 Janar 2023, 13:48, Aktualitet CNA

Ditën e sotme oficerët e policisë gjyqësore zbarkuan në banesën e familjarëve të Aleks Nikës.

Gjatë një interviste për mediat xhaxhai i të ndjerit Aleks Nika, Mark Nika, është shprehur se familja nuk kishte pranuar që të jepte audio-përgjimin ku dëgjohet të flasë ish-komandanti Ndrea Prendi.

"Sot në shtëpinë e Aleksit erdhën hetues të prokurorisë gjyqësore për të marrë informacione për faktin se çfarë provash kemi siguruar ne. Çështja ka qenë e varrosur në Prokurorinë e Tiranës. Ata nuk kanë pasur vullnetin që çështja të hetohet. Kjo ndoshta jo nga paaftësia, por nga ndikimet politike, pasi ka influencime nga Berishizmi.

Oficerët e Policisë Gjyqësore kërkuan që të njiheshin me kasetën, autoregjimistrin. Kjo është pronë e jona, por kërkojmë që ta marrë vetëm SPAK-u. Është i paanshëm. Kjo do të çonte drejt zbardhjes së çështjes. Prokuroria e Tiranës nuk ka këllqe që të merret me këtë çështje.

Kam shkuar privatisht, e respektoj sepse na priti. Ne shkuam dhe i kërkova që a mundet që çështja të merret nga SPAK-u. Ai na këshilloi që të respektojmë procedurat", ka thënë Mark Nika. / CNA.al





Lajmet e fundit nga