web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimeve për nënproduktet e qumështit/ Ankesat e qytetarëve vënë në lëvizje Autoritetin e Konkurrencës

8 Shkurt 2023, 17:55, Aktualitet CNA

Rritja e çmimeve për nënproduktet e qumështit/ Ankesat e

Autoriteti i Konkurrencës ka reaguar pas paralajmërimit të rritjes së çmimeve të nënprodukteve të qumështit deri në 37% më shumë.

Autoriteti i Konkurrencës bën me dije se pas ankesave të shumta e shqetësimit të qytetarëve vendosi të ngrejë një grup pune dhe po monitoron situatën.

“Duke ndarë të njëjtin shqetësim për rritjen e çmimit të produkteve të bulmetit nga ndërmarrjet në fjalë, Autoriteti po monitoron në terren me qëllim evidentimin nëse ky njoftim do të zbatohet në tregun e shitjes me pakicë dhe, mbi të gjitha, nëse kjo sjellje është abuzive e si rrjedhim në shkelje të ligjit nr.9121/2003 “Për mbrojtjen e konkurrencës”.

Ligji nr. 9121/2003 “Për mbrojtjen e konkurrencës” ndalon të gjitha marrëveshjet të cilat kanë si objekt ose si pasojë pengimin, kufizimin ose shtrembërimin e konkurrencës në treg, veçanërisht marrëveshjet që caktojnë në mënyrë të drejtpërdrejtë ose të tërthortë çmimet e blerjes ose të shitjes, kufizojnë ose kontrollojnë prodhimin, ndajnë tregjet ose burimet e furnizimit apo vendosin kushte tregtimi.

Sjellim në vëmendje të ndërmarrjeve të përpunimit të qumështit se, shkelja e ligjit “Për mbrojtjen e konkurrencës” përbën kundërvajtje administrative dhe sanksionohet me gjobë, në masën deri në 10 për qind të xhiros së vitit financiar paraardhës të ndërmarrjeve të përfshira në marrëveshje të paligjshme”, thuhet në njoftim./ CNA.al





Lajmet e fundit nga