LEXO PA REKLAMA!

SHKARKO APP

Nuk ndalet Rama përballë akuzave të opozitës/ “Zhurmaxhinj dhe ligësira që s’na ndahen”

8 Shkurt 2023, 14:47, Aktualitet CNA
Nuk ndalet Rama përballë akuzave të opozitës/
Foto ilustruese

Kryeministri Edi Rama nuk ndalet pas akuzave të forta nga opozita të cilat e kanë quajtur aplikacionin "Aktivisti" një organizatë kriminale.

Në një reagim në rrjetet sociale, Rama shkruan se akuzat janë përbaltje nga zhurmaxhinj dhe ligësira që sipas kryeministrit nuk i ndahen PS. 

Më tej, Rama i këshillon përdoruesit e “Aktivistit” t’i tregojnë opozitës se bëjnë gabim që i ngacmojnë kur ende nuk kanë parë asgjë.

Të dashur aktivistë të Partisë Socialiste, siç edhe ju’a kisha thënë, ja ku erdhi dita që i harruan patronazhistët dhe u turrën mbi aktivistët.

Urime për pagëzimin tuaj në baltën e djajve, e cila është prova e relevancës në skenën e betejave politike dhe sociale në këtë vendin tonë të vogël e të bukur, por me zhurmaxhinj e ligësira që s’të ndahen.

Tani ju mund të ndjeheni realisht të vlerësuar si një forcë e re në fushëbetejë e në ndërkohën që patronazhistët e kalitur në përballje të shkuara, po përgatiten të hyjnë së shpejti në skenën e betejës së radhës, si një forcë e sprovuar më shumë se sa njëherë, ju jeni në sprovën tuaj të parë dhe ja urdhëro si erdhi puna, ende pa mbaruar nxemjen i keni shqetësuar shumë kundërshtarët tanë të dëshpëruar e të çoroditur.

Përgëzime

Tani futini një marsh tjetër jashtë programit, që ta shohin të paudhët se sa gabim bëjnë kur na e rrisin adrenalinën, duke na ngacmuar edhe kur s’kanë parë gjë akoma”, shkruan Rama./ CNA.al

 

Lajmet e fundit nga