LEXO PA REKLAMA!

SHKARKO APP

Skema për mbështetjen e blegtorëve dhe fermerëve/ Zëvendësministri Jaupllari jep lajmin e mirë

9 Shkurt 2023, 11:14, Aktualitet CNA

Skema për mbështetjen e blegtorëve dhe fermerëve/

Ministria e Bujqësisë po harton një VKM për mbështetjen nga skema kombëtare për vitin 2023.

Zëvendës-ministri i Bujqësisë, Arian Jaupllari ka sqaruar se me këtë projekt do të ndihmohen financiarisht fermerët dhe blegtorët.

Sipas Jaupllarit, me fondin total pre 1.5 miliard lekësh, blegtorët kanë përfituar dhe nga skema e naftës falas për bujqësinë.

Skema për mbështetjen e blegtorëve dhe fermerëve/

“Ministria e Bujqesise dhe Zhvillimit Rural ka pergatitur projekt VKM per mbeshtetjen nga skema kombetare per vitin 2023.

Mbështetja për blegtorinë nëpërmjet skemës kombëtare ka zënë peshën më të madhe të fondit gjatë viteve të fundit.

Për vitin 2022, aplikuan rreth 7 mijë fermerë për mbështetje në blegtori (lopë dhe bagëti të imta) me një kërkesë prej 1,7 miliard lekësh dhe përfituan në fakt rreth 6200 prej tyre me një fond total prej 1,5 miliarde lekësh”, shkruan Jaupllari në rrjete sociale.

Sipas tij, në bletari aplikuan rreth 2900 bletarë me një kërkesë fondi prej rreth 330 milion lekësh dhe përfituan rreth 2700 bletarë me një fon prej rreth 290 milion lekësh.

“Gjatë vitit 2022, blegtoria ka përfituar edhe nga nga skema e naftës falas për bujqësinë. Përmendim këtu, kulturën e misrit, jonxhës dhe kulturave të tjera foragjere.

Përvec kësaj mbështetje, fermat e mëdha nëpërmjet programit IPARD II kanë përfituar mbështje për ndërtim stallash, mekanizimin e proceseve të punës etj.

Në skemen kombëtare për vitin 2023, mbështetja për blegtorinë parashikohet të vazhdojë të jete komponenti kryesor”, sqaron më tej numri dy i Ministrisë së Bujqësisë./CNA.al

Lajmet e fundit nga