LEXO PA REKLAMA!

SHKARKO APP

E fundit!

x

Dy persona dhunuan mjeken dhe “thyen” spitalin/ Ministria e Shëndetësisë, thirrje drejtësisë

8 Shkurt 2023, 19:00, Aktualitet CNA
Dy persona dhunuan mjeken dhe “thyen” spitalin/ Ministria e
Ministria e Shëndetësisë dhe Mbrojtjes Sociale

Dy persona kanë ushtruar dhunë në orët e para të mëngjesit të sotëm ndaj një mjekeje në Spitalin Infektiv dhe më pas dëmtuan dyert dhe dritaret e spitalit me pretendimin se po neglizhohet mjekimi i të afërmit të tyre.

Lidhur me këtë ngjarje ka reaguar pak më parë Ministria e Shëndetësisë dhe Mbrojtjes Sociale, e cila dënon sjelljen e dy qytetarëve.

Ministria e Shëndetësisë i bën thirrje organeve të drejtësisë të çojnë deri në fund zbardhjen e kësaj ngjarjeje dhe të çojnë para drejtësisë autorët.

“Ministria e Shëndetësisë dhe Mbrojtjes Sociale dënon ashpër dhunën e ushtruar ndaj ekipit të mjekëve dhe infermierëve në Spitalin Infektiv, të cilët kanë qenë në krye të detyrës, duke reanimuar një pacient në gjendje të rëndë, teksa janë goditur dhe dhunuar nga familjarët e pacientit.

MSHMS e konsideron të patolerueshëm çdo akt dhune ndaj personelit shëndetësor dhe inkurajon organet e drejtësisë të çojnë deri në fund zbardhjen e kësaj ngjarjeje, duke çuar para drejtësisë autorin/autorët që kanë ushtruar dhunë ndaj mjekëve dhe infermierëve në detyrë.

Ministria e Shëndetësisë dhe Mbrojtjes Sociale siguron qytetarët se shërbimi mjekësor është garantuar dhe do të vijojë të garantohet për çdo qytetar nga personeli shëndetësor i kualifikuar. MSHMS mbështet stafin mjekësor që shërben çdo ditë me përkushtim e profesionalizëm për pacientët dhe dekurajon çdokënd që nxit gjuhën e urrejtjes ndaj mjekëve dhe infermierëve”, thuhet në deklaratë./ B.A. – CNA.al

Lajmet e fundit nga