web counter
LEXO PA REKLAMA!

SHKARKO APP

App Store
Google Play

E fundit!

x

Mediat e inceneratorëve shpërndajnë lajmin e rremë/ Stela Gugallja nuk është arrestuar

7 Shkurt 2023, 15:46, Aktualitet CNA
Mediat e inceneratorëve shpërndajnë lajmin e rremë/ Stela
Stela Gugallja

Stela Gugallja e shpallur në kërkim ndërkombëtar prej një viti nuk është arrestuar.

Mediat e incenaratorëve, si "Fax News", "News 24", "Report TV", shpërndanë me bujë lajmin se Stela Gugallja  është arrestuar në Austri edhe ku ndodhet.

CNA.al u interesua pranë Interpolit, e cila mohoi arrestimin e Gugalles.

Një tjetër konfirmim që hedh poshtë gënjeshtrën e mediave të inceneratorëve, vjen edhe nga avokati i Stela Gugalles.

Avokati Klodian Skënderi i cili mbron Gugallen, ka deklaruar se klientja e tij Stela Gugallja nuk është arrestuar.

“Klientja ime nuk është e ndaluar apo arrestuar, ka një proces ekstradimi por është një gjendje të lirë”, ka thënë Skënderi.

CNA.al ka raportuar më herët se Stela Gugallja ndodhet në Vjenë, ku ka kërkuar strehim politik, ndërkohë që ka një proces ekstradimi, që edhe mund të refuzohet.

Gugallja është shpallur në kërkim në lidhje me hetimet për inceneratorin e Elbasanit, në cilësinë e ortakut të vetëm dhe administratorit të shoqërisë “Albtek Energy” sh.p.k.

Sipas SPAK-ut, Stela Gugallja dhe Klodian Zoto, si pronarë të 2 kompanive, kanë përdorur një skemë fiktive të kryerjes së pagesave, të realizuar nëpërmjet dy shoqërive tregtare respektive, për të mbuluar dhe për të fshehur natyrën e vërtetë të origjinës së paligjshme të shumave monetare, natyrën e vërtetë të transferimit dhe të zhvendosjes së tyre, të cilat në të vërtetë përbëjnë “përftim të parregullt”, si rrjedhim edhe produkt të veprës penale të korrupsionit./ CNA.al





Lajmet e fundit nga