LEXO PA REKLAMA!

SHKARKO APP

Manastirliu jep lajmin/ Gati investimi madhor për transformimin e spitalit e Lezhës

7 Shkurt 2023, 15:43, Aktualitet CNA
Manastirliu jep lajmin/ Gati investimi madhor për transformimin e spitalit
Ministrja e Shëndetësisë dhe Mbrojtjes Sociale, Ogerta Manastirliu

Ministrja e Shëndetësisë dhe Mbrojtjes Sociale, Ogerta Manastirliu, bashkë me drejtuesin politik të qarkut Lezhë, Ministrin e Drejtësisë, Ulsi Manja dhe Kryetarin e Bashkisë Pjerin Ndreu, kanë parë nga afër investimet në Spitalin Rajonal të Lezhës.

Manastirliu njoftoi investimin madhor që fillon këtë vit për rikonstruksionin e godinës qendrore të këtij spitali.

"Jemi këtu për të dhënë një lajm të mirë për qytetarët lezhjanë, fillimin e një investimi të rëndësishëm për rehabilitimin e godinës qendrore të Spitalit Rajonal të Lezhës, një investim i cili do të përmirësojë radikalisht shërbimet e urgjencës, patologjisë, pediatrisë dhe një seri shërbimesh që janë brenda korpusit qendror të këtij spitali", u shpreh ajo.

Ndërkohë Spitali Rajonal i Lezhës është pajisur me aparaturën e re DEXA, duke shtuar një shërbim të ri për qytetarët.

"Pajisja më e re për matjen e densimetrisë konckore, vërtetë ka përmirësuar shërbimet dhe ka mbyllur një cikël të shërbimeve sa i përket imazherisë në këtë spital", tha Manastirliu.

Ministri Drejtësisë dhe drejtuesi politik i PS në Lezhë, Ulsi Manja ka vlerësuar punën e stafeve mjekësore të këtij spitali, teksa vuri theksin tek invetimet bashkëkohore në këtë spital.

"Spitali i Lezhës do të ofrojë të gjitha shërbimet cilësore. Posaçërisht këtu në Lezhë është meritë e mjekëve dhe infermierëve që shërbejnë në këtë strukturë dhe që në vijim do të kenë në dispozicion një sistem spitalor modern dhe pajisjet e tekonologjisë së fundit", deklaroi Manja.

Pas ndërtimit të Maternitetit të ri të Lezhës, investimi në godinën qendrore të Spitalit Rajonal Lezhë përmbyll ciklin e investimit në këtë spital. Investimi do të përfshijë godinën qendrore të spitalit, siperfaqje ndertimi rreth 4.000 m2, ku përfshihen të gjithë shërbimet me shtretër, reanimacioni, urgjencat peadiatrike dhe ato për të rritur, terapia intensive, pediatria, kirurgjia, me një kapacitet 117 shtretër.

Me ndërtimin e Spitalit të Kurbinit, fillimit të punimeve për Spitalin e Mirditës, investimi i ri në Spitalin e Lezhës përmbyll ciklin e investimeve të shërbimit spitalor në këtë qark./ CNA.al

Lajmet e fundit nga