LEXO PA REKLAMA!

SHKARKO APP

Fotolajm/ Bledi Çuçi ia fut vrapit

9 Prill 2023, 11:58, Aktualitet CNA
Fotolajm/ Bledi Çuçi ia fut vrapit
Ministri i Brendshëm Bledi Çuçi

Ministri i Brendshëm, Bledi Çuçi, e ka nisur këtë të diel duke vrapuar. Në një postim në rrjetet sociale, ministri tregon se është bërë pjesë e maratonës në Berat, duke falënderuar të gjithë qytetarët dhe sportistët që iu bashkuan këtij aktivitetit.

“Nis Gjysmë-Maratona e Gjelbër e Beratit. Vrapojmë së bashku me kampionen tonë Luiza Gega, sportistë të tjerë e qytetarë të të gjitha moshave që u bashkuan në këtë aktivitet të mrekullueshëm ku sporti ndërthuret me natyrën”, shkruan ministri.

Nga ana tjetër, Shqipëria është e nxirë nga ngjarjet kriminale. Atentate me eksploziv, vrasje, plagosje, dhe mistere rreth ngjarjeve që kanë tronditur vendit tonë ende kanë mbetur të pazbardhura.

Zhdukja e Ervis Martinajt mbetet ende një mister që nga muaji gusht i vitit të kaluar. Policia ende nuk ka dalë me një version për të dhënë informacion mbi atë që mund të ketë ndodhur me të shumëkërkuarin Ervis Martinaj.

Pavarësisht ngjarjeve kriminale që nxijnë Shqipërinë çdo ditë, ministri i Brendshëm gjen kohën edhe për vrap./ CNA.al

Fotolajm/ Bledi Çuçi ia fut vrapit

 

Lajmet e fundit nga