web counter
LEXO PA REKLAMA!

SHKARKO APP

App Store
Google Play

Besimtarët katolikë festojnë Pashkët/ Nga Rama, Berisha e Nikolla, urimet e politikës shqiptare

9 Prill 2023, 09:03, Aktualitet CNA
Besimtarët katolikë festojnë Pashkët/ Nga Rama, Berisha e
Foto ilustruese

Politika shqiptare ka uruar besimtarët katolikë për Pashkën. Përmes mesazheve në rrjetet sociale, duke nisur nga kryeministri Edi Rama, ish-kryeministri Sali Berisha dhe kryeparlamentarja Lindita Nikolla, Enkelejd Alibeaj, kanë përcjellë urimet e tyre për besimtarët katolikë.

“MIRËMËNGJES  dhe me ditën e Ringjalljes së Krishtit, që celebron dashurinë e pafundme dhe sakrificën për njeriun, ju uroj gëzuar Pashkën Katolike”, uron Rama.

“Gëzuar Pashkët!

Të dashur miq, sonte besimtarët katolik shqiptar dhe të të gjithë botës festojnë Pashkën, ditën e ringjalljes të Krishtit Mbret.

Pashka, dita e ringjalljes së Hyijt është për çdo njeri, për të gjithë besimtarët, ditë e besimit të madh tek Zoti, te mirësia dhe gjithëfuqia e tij.

Vetishëm Pashka është ditë e shpresës së pashuar, e frymëzimit të njeriut nga vlerat hyjnore dhe njerëzore dhe një e ardhme më e mirë.

Kjo ditë e bekuar i ka gjetur kësaj rradhe Shqipërinë, besimtarët katolik dhe miqtë e tyre të besimeve të tjera para një zgjedhje historike me datën 14 maj.

Duke ju uruar të gjithë besimtarëve katatolik këtë ditë të shenjtë, ju ftoj të dashur miq t’i lutemi ne Zotit që të bekojë Shqipërinë, shqiptarët kudo që janë dhe votën e tyre për rivendosjen e pluralizmit në Shqipëri.

Pashkën tjetër më mirë ta festojmë! Gëzuar! “, shkruan Berisha.

"Thirrja  dymijëvjeçare 'Paqe për ju' nuk është vetëm një mesazh fetar dhe as vetëm kristian, por një mesazh universal dhe njerëzor, për paqe, dashuri, pajtim e përdëllim!

Thirrja e Pashkëve për paqe le të përshkojë jetët tona, familjet tona, vendet tona!

Gëzuar Pashkët, gjithë besimtarëve katolikë!”, shkruan në urimin e saj kryetarja e Kuvendit Nikolla.

“Të gjithë besimtarëve katolikë dhe ungjillorë ju uroj nga zemra, Pashkë të Bardha! Qofshi të gëzuar pranë familjeve e më të dashurëve tuaj. Mesazhi i ringjalljes që kjo festë sjell, uroj të jetë ringjallje dhe e Shqipërisë sonë, në të gjitha aspektet”, uron Meta.

“Për të gjithë miqtë e mi të besimit katolik, Gëzuar Pashkët. Ringjallja është dëshmia se dashuria për tjetrin është më e fortë se vetë vdekja e mund të transformojë jetët tona. Ndaj kjo Pashkë qoftë e bardhë, sjelltë paqe, e ju bekoftë me mirësi”, shkruan Alibeaj./ CNA.al





Lajmet e fundit nga