web counter
LEXO PA REKLAMA!

SHKARKO APP

App Store
Google Play

Policia, në shërbim të bandës së inceneratorëve? / Mirel Mërtiri mori rezidencë pasi ishte shpallur në kërkim

13 Mars 2023, 10:46, Aktualitet CNA
Policia, në shërbim të bandës së inceneratorëve? /
Foto ilustruese

Mirel Mërtiri, i quajtur nga SPAK-u si “truri i inceneratorëve”, njeriu që ka mundur t’i shpëtojë drejtësisë në Shqipëri, të largohet nga vendi bashkë me bashkëjetuesen e tij Stela Gugallja, e cila akuzohet për korrupsion në lidhje me aferën e inceneratorit të Elbasanit, si dhe Klodian Zoto, janë tre personat kryesorë në lidhje me këtë aferë.

Një ministër ndodhet në burg, sekretari i tij i Përgjithshëm dhe shumë zyrtarë të tjerë, por ka shpëtuar dhe qëndron i lirë Mirel Mërtiri, i cili mesa duket ka lidhje të forta me Policinë e Shtetit.

Persona të caktuar në uniformat blu duket se kanë lidhje me Mirel Mërtirin dhe u japin lehtësi, atij dhe personave të tjerë të lidhur me inceneratorët, që të shpëtojnë.

Kështu ka ndodhur me Klodian Zoton, i cili i ka ikur policisë, është kërkuar disa herë dhe nuk gjendet vendndodhja e tij.

Kështu ka ndodhur edhe me Stela Gugallen, e cila u largua nga Shqipëria pasi dyshohet nga SPAK-u se ishte në dijeni se ajo do të arrestohej. Kështu ndodhi edhe me shtetasin Mirel Mërtiri, i cili ishte nën hetim, por u mor i pandehur në muajin nëntor.

Policia, në shërbim të bandës së inceneratorëve? /

Pra, SPAK-u e kërkon, policia e kërkon, Mirel Mërtiri shkon në Holandë dhe bëhet dhe rezident.

Ndërkohë që policia shqiptare nuk e di se ku ndodhet. Në fakt, Mirel Mërtiri duhej shpallur në kërkim ndërkombëtar që ditën e parë që u kërkua nga SPAK-u, sepse për atë dihej, mjafton që ishte jashtë Shqipërisë. Mjaftonte të hynin në sistemin TIMS dhe policia lehtësisht së bashku me oficerë të SPAK-ut do të zbulonin se Mirel Mërtiri ndodhej jashtë Shqipërisë.

Edhe pse ishte shpallur në kërkim ndërkombëtar, Mirel Mërtiri i quajtur “truri i inceneratorëve”, shkon dhe tërheq leje residence në Holandë.

Kjo është një ngjarje që flet jo pak për lidhjet e forta që mund të ketë Mirel Mërtiri brenda Policisë së Shtetit, sepse asnjë nga njerëzit që kanë organizuar skemën e inceneratorëve, përfshi këtu Mirel Mërtirin, bashkëjetuesen e tij Stela Gugallen dhe Klodian Zoton, nuk janë arrestuar nga unifromat blu, çka ngre shumë dyshime se kjo strukturë mund të jetë përfshirë në një skandal në lidhje me këtë çështje, pra me personat që në fakt janë njerëzit, të cilët kanë zbatuar skemën korruptive të inceneratorëve.

CNA ka sjellë dhe një foto të dokumentit të Holandës që e pajis shtetasin Mirel Mërtiri me leje rezidenti, ndërkohë që është shpallur në kërkim nga SPAK dhe policia shqiptare si personi kryesor dhe truri i inceneratorëve që lidhet me një zinxhir kompanish nga Shqipëria, në Bullgari, Maltë, Holandë dhe deri në Zimbabve.

Policia, në shërbim të bandës së inceneratorëve? /
Dokumenti

Të njëjta burime, saktësuan për CNA se Mirel Mërtiri e ka marrë dokumnetin siç theksuam në dhjetor të vitit 2022 dhe tashmë është rezident në shtetin e Holandës. Procedura ka zgjatur disa muaj dhe kompania "Geogenix"  tashmë e ka pajisur drejtuesin e saj me leje rezidence në Holandë, ndërkohë që SPAK dhe policia shqiptare po e kërkojnë./ CNA.al

 





Lajmet e fundit nga