Zbardhet skema korruptive/ Të përfshirë Damian Gjiknuri, Mirel Mërtiri dhe Endri Puka

19 Tetor 2021, 11:55, Politikë CNA

Së fundi portali Hashtag.al, ka zbuluar dje një dosje, sesi njeriu shumë mediatik jo vetëm në Shqipëri, por deri edhe në Afrikë, Mirel Mërtiri, është përfshirë në një tjetër aferë. (Lexo këtu)

Në lidhje me këtë denoncim, sot ka ardhur një reagim edhe nga Partia Demokratike.

Në një deklaratë për mediat, deputetja e PD, Ina Zhupa deklaroi se ish-ministri i Energjitikës, Damian Gjiknuri është i përfshirë në aferën e gazit të Albetprolit me Mirel Mërtirin e inceneratorëve. Ku sipas saj dëmi ekonomik është 230 mijë euro.

Zhupa theksoi se kjo nuk është krizë energjie, është krizë korrupsioni.

?Këto ditë, Partia Demokratike ka treguar me fakte dhe prova se nuk jemi në një krizë të energjisë, por në një krizë korrupsioni, të cilën qeveria kërkon t?ia faturojë qytetarëve.

Kjo krizë korrupsioni u pasurua orët e fundit edhe me një investigim mediatik, të kryer nga portali Hashtag, i cili tregon se si sektori i energjisë është trajtuar si një plaçkë në shërbim të klientëve të qeverisë, në dëm të interesave të qytetarëve.

Një skemë korruptive për shitjen e 3 milionë metër kub gazi industrial nga vendburimet Cakran-Mollaj/Ballsh-Hekal, e cila ka në qendër ish-ministrin e Energjitikës Damian Gjiknuri, ish-drejtorin e Albpetrolit, Endri Puka dhe Mirel Mërtirin e afërave të inceneratorëve.

Në operacionin e zhvilluar në muajt gusht-tetor 2017, Mirel Mërtiri, nëpërmjet kompanisë CGC, i ka bërë Albpetrolit një ofertë të pakërkuar për blerjen e gazit.

Pas marrjes së ofertës, Endri Puka, kreu i Albetrolit, dhe Damian Gjiknuri, ministër i Energjitikës, kanë përzgjedhur një metodologji për shitjen e gazit industrial të ndryshme nga ajo e ERE-s, një metodologji që bazohej në bursën hollandeze dhe që shoqërohej me një koefiçent zbritës, në shërbim të Mirel Mërtirit, jo të interesave të kompanisë publike.?-tha Ina Zhupa.

Më tej, ajo theksoi se në këtë aferë, është aplikuar një formulë ndryshe nga ajo e ERE-së, për llogaritjen e çmimit.

?Sipas hulumtimit, edhe pasi kanë aplikuar një formulë të ndryshme nga ajo zyrtarja e ERE-s për llogaritjen e çmimit, treshja Gjknuri-Puka-Mërtiri, nuk e kanë respektuar atë formulë, pasi sipas kësaj formule, çmimi dilte me koston 25.33 lekë/Nm³, ndërsa Mërtiri e siguroi blerjen e gazit me vlerën 15 lekë/Nm³.

Pra, falë bashkëpunimit mes Gjiknurit dhe Pukës, Mirel Mërtiri, dhe vëllain e tij, Ervin Mërtiri, që atë kohë ishte në krye të drejtorisë që mbulonte shitje e sasive të gazit për Albetrolin në drejtorinë e Tranagatit, e ka blerë gazin me një ulje prej 230 mijë e 913 euro nga çmimi që impononte formula e përdorur.

Kjo kontratë e lidhur në fshehtësi të plotë nga treshja Gjiknuri, Puka Mërtiri, rezulton e zhdukur nga protokolli i Albeptrol, nxjerr në pah se si nën drejtimin e Ramës dhe ministrave të tij, shteti është kthyer në një shtet privat që i shërben interesave të klientëve të pushtetit, në dëm të interesave të familjeve shqiptare.?-deklaroi deputetja Zhupa.

Po ashtu, ajo shtoi se ?kjo kontratë korruptive, që prej vitesh i ka shpëtuar shqyrtimit të drejtësisë, meriton një hetim të shpejtë dhe gjithëpërfshirës, pasi teksa Rama flet për krizë të energjisë, dëmet e bëra nga kjo bandë e babëzitur pikërisht në sektorin e energjisë, nuk mund të paguhen nga qytetarët, por duhet të paguhen nga përgjegjësit e krizës së korrupsionit.?/CNA.al

Katastrofa mjedisore/ Si gënjeu Rama, për të çuar paratë te mafia e inceneratorëve

KONTRATA E FSHEHTË/ Damian Gjiknuri në aferë me Mirel Mërtirin e inceneratorëve