web counter
LEXO PA REKLAMA!

SHKARKO APP

App Store
Google Play

Irfan Hysenbelliu nuk paguan taksat/ Kërkon t’i shmangë shtetit miliona euro

12 Mars 2023, 14:40, Aktualitet CNA
Irfan Hysenbelliu nuk paguan taksat/ Kërkon t’i shmangë shtetit
Irfan Hysenbelliu

Pronari i disa mediave, që e quan veten “Berlusconi shqiptar”, Irfan Hysenbelliu, vazhdon të ketë miliona euro detyrime ndaj shtetit shqiptar nga bizneset e tij.

Ai ka disa aktivitete që lidhen, siç janë “Birra Korça”, “Birra Tirana”, apo aktivitete ndërtimi dhe hoteleri, por këto i mbështet kryesisht dhe mbi propagandën që ushtron në mediat e tij.

Irfan Hysenbelliu nuk paguan taksat/ Kërkon t’i shmangë shtetit
Foto ilustruese

Kuptohet mediat i përdor për reklamimin e punëve dhe bizneseve të tij dhe nga ana tjetër këto biznese i “ruan”, që të mos kenë probleme me shtetin, sidomos të mos paguajnë taksat apo të zhvillojnë evazion fiskal.

Vetëm në tre subjekte miliona euro detyrime ndaj shtetit

CNA.al ka treguar me fakte dhe dokumente se si “Birra Korça” kishte miliona euro detyrime. “Birra Tirana” gjithashtu ka miliona euro detyrime. Gjoba dhe evazion fiskal.

Për më tepër, Irfan Hysenbelliu nuk mori pjesë në “Festën e Birrës” në Korçë nga frika se mos kapej “i gjallë” duke bërë evazion fiskal.

CNA.al gjithashtu ka treguar se si dhe firma tjetër subjekti tjetër, “Albecorp” kishte miliona detyrime në shtet.

Vetëm këto tri subjekte kishin rreth 8 milionë euro. E ndërkaq, Irfani shkon në ishuj ekzotikë me familjen e tij. Ka një jetë luksoze, por taksat shtetit nuk do t’ia paguajë. Irfan Hysenbelliu sulmon zyrtarët e shtetit ministra, tatime, dogana, por nga ana tjetër, ai reciton për Erion Veliajn sepse ai i ka firmosur lejet e pallateve, por jo vetëm kaq, i sulmon që të mos paguajë taksat.

Ifran Hysenbelliu, 120 çështje gjyqësore me shtetin shqiptar

Ka me dhjetëra e dhjetëra procese gjyqësore. Sipas të dhënave dyshohet se janë afërsisht 120 gjyqe me shtetin shqiptar, penale, civile e të tjerë.

Pra pronar mediash për të mos paguar taksat. Pronar mediash në luftë me shtetin, jo për të bërë opozitë, për të bërë oponencë, për të qenë zëri i qytetarëve, jo.

Sulmi ndaj institucioneve. 

Opozitën e bën kur i preken interesat e tij. Po i çoi një shkresë një institucion ai e sulmon. Kështu ka ndodhur me Tatimet me Inspektoriatin e Ndërtimit, me ministra dhe kjo është e përsëritur që në kohën e PD-së. Tani në kohën e socialistëve nuk guxon të flasë për Erion Veliajn dhe për “babain e tij shpirtëror politik”, Ilir Metën.

Irfan Hysenbelliu nuk është një biznesmen i zakonshëm. Është një njeri që ka në pronësi media dhe kërkon t’i përdorë ato kundër institucioneve të shtetit për të mos paguar taksat.

Kështu ia ka arritur deri më tani sa t’i akumulojë shtetit një borxh prej dhjetëra miliona eurosh dhe për këtë, kuptohet, përgjegjësit e parë janë zyrtarët që kanë lejuar Irfan Hysenbelliun të akumulojë borxhe të tilla të frikshme dhe më pas të përdorë mediat e tij për t’i sulmuar institucionet, të cilat kërkojnë të mbledhin taksat dhe detyrimet që i paguajnë qytetarët e varfër të Shqipërisë, por Irfani nuk do t’i paguajë milionat e eurove që i ka si detyrim ndaj shtetit shqiptar./ CNA.al

 





Lajmet e fundit nga