LEXO PA REKLAMA!

SHKARKO APP

“Birra Tirana" "mbyt” Irfan Hysenbelliun/ Rreth 3.9 miliardë lekë detyrime të papaguara në shtet

2 Mars 2023, 08:32, Aktualitet CNA

“Birra Tirana" "mbyt” Irfan Hysenbelliun/ Rreth 3.9

Irfan Hysenbelliu është zhytur në borxhe ndaj shtetit me kompanitë e birrave.

Dje CNA.al, duke iu referuar të dhënave zyrtare, raportoi se Hysenbelliu me kompaninë  “Birra Korça”, me numër NIPT-i, J64103004E, ka miliarda lekë borxh në shtet.

Bëhet fjalë për detyrime që në total shkojnë në vlerën e 2.4 miliardë lekëve.

Në të njëjtën situatë, madje më rëndë, është me kompaninë “Birra Tirana, me numër NIPT-i, J61821051F.

“Birra Tirana" "mbyt” Irfan Hysenbelliun/ Rreth 3.9

CNA.al ka mësuar nga burime zyrtare se detyrimet e papaguara të Hysenbelliut me “Birrën Tirana”, kapin shifrën e rreth 3.9 miliardë lekëve.

Një biznes tjetër në këto rrethana sot do të ishte mbyllur, do të ishte sekuestruar e konfiskuar, bashkë me llogaritë bankare.

Por me miliardat borxh ndaj shtetit, Irfan Hysenbelliu, sulmon institucionet, vetëm pse i kërkojnë të paguajë detyrimet.

Sipas të dhënave zyrtare të siguruara nga CNA.al, dhe të raportuara në vijimësi, Irfani Hysenbelliu është një nga borxhlinjtë më të mëdhenj në shtet.

Duke përdorur mediat e tij, e ka bërë standard, që në vend të pagesave të detyrimeve shtetërore të sulmojë dhe shantazhojë drejtuesit e institucioneve.

Irfani kërkon që përmes sulmeve në media, Tatimet të tërhiqen, ta lënë rehat, të mos paguajë borxhet dhe të ndalë sulmet./CNA.al

Lajmet e fundit nga