E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

38 viktima dhe dhjetëra të plagosur/ Politika shqiptare reagon për aksidentin tronditës në Greqi

1 Mars 2023, 09:54, Aktualitet CNA

38 viktima dhe dhjetëra të plagosur/ Politika shqiptare reagon

Foto ilustruese

Politika shqiptare ka reaguar pas aksidentit me 38 viktima në Greqi.

Ministrja e Punëve të jashtme, Olta Xhaçka, është shprehur e trishtuar nga aksidenti tragjik. Përmes një statusi në rrjetet sociale, Xhaçka ka shkruar se mendimet dhe lutjet janë për viktimat dhe familjarët e tyre.

“Të trishtuar nga aksidenti tragjik që ndodhi në Tempe në Greqi nga përplasja e dy trenave.

Mendimet dhe lutjet tona shkojnë për viktimat dhe familjet e tyre në këtë aksident vdekjeprurës.

Shërim sa më të shpejtë të plagosurve!", shkruan Olta Xhaçka.

Ministri i Mbrojtjes, Niko Peleshi, ka reaguar gjithashtu pas aksidentit, duke ngushëlluar familjarët e viktimave dhe duke iu uruar shërim të shpejtë të plagosurve.

“Të tronditur nga aksidenti tragjik i ndodhur mbrëmë vonë në Greqi. Ngushëllime nga zemra familjeve të viktimave që fatkeqësisht humbën jetën nga përplasja e dy trenave! Urojmë rikuperim të shpejtë për të plagosurit!” shkruan Peleshi.

Kreu i Partisë së Lirisë, Ilir Meta, përmes një postimi në rrjetet sociale, ka shprehur ngushëllimet për familjarët e viktimave.

“Me hidhërim mësova për tragjedinë në Larisa të Greqisë fqinje dhe mike!

Në këto orë dhembje dhe tronditje të thellë, unë dhe Partia e Lirisë u shprehim ngushëllimet më të ndjera familjeve të viktimave dhe lutemi për shërim të shpejtë të të mbijetuarve!

Solidaritet të plotë autoriteteve vendore dhe qendrore! Qëndrojmë përkrah me popullin grek! ”, shkruan Meta.

Nga krahu i djathtë ka reaguar deputeti Tritan Shehu, i cili ka shprehur solidaritet të plotë me shtetin fqinj.

“Keqardhje e thelle per aksidentin hekurudhor ne Greqi.

Fatkeqesisht ky aksident i rende afer Larissa i ka kushtuar jeten mbi 38 pasagjereve e plagosur dhjetra te tjere.

Nje pjese e madhe jane studente.

Ngushellimet me te sinqerta per jetet e humbura e sherim te shpejte per te demtuarit.

Solidaritet te plote me shtetin grek ne te gjitha perpjekjet, qe po realizohen per te kontrolluar e kufizuar demtimet!”, shkruan Tritan Shehu./ CNA.al