web counter
LEXO PA REKLAMA!

SHKARKO APP

App Store
Google Play

Lobimi rus/ Berisha "gozhdon" Yuri Kim: Pse e mbështeti Lulzim Bashën

27 Shkurt 2023, 12:23, Aktualitet CNA

Lobimi rus/ Berisha "gozhdon" Yuri Kim: Pse e mbështeti Lulzim

Kreu i PD-së, Sali Berisha, ka gozhduar ambasadoren Yuri Kim, duke i kërkuar t’u shpjegojë qytetarëve shqiptarë, në emër të kujt e mbështeti Lulzim Bashën për financimet ruse.

Berisha ka deklaruar se do të kërkojë të hetohen qëndrimet e saj, të cilat sipas kreut të PD-së, tregojnë se ambasadorja amerikane ka mbrojtur me fanatizëm Bashën.

“Kam një pyetje për zonjën Yuri Kim: A mund t’u shpjegosh shqiptarëve, në emër të kujt bëre gjithçka për të mbështetur, pas akuzave të qarta të qeverisë tënde, zyrtare, për financime ruse të Lulzim Bashës, bëre gjithçka për të mbështetur qëndrimin e tij në krye të PD-së?

A ka lidhje kjo përpjekje juaja me përpjekjen e McGonigal, që njëra kompani ruse të mos fitojë licencën, por të fitojë kompania tjetër, po e Gazpromit?

Çfarë interesash mbronte zonja me mbështetjen e Lulzim Bashës për kryetar të PD-së?

Unë e ftoj Inspektorin e Përgjithshëm të hetojë qëndrimet e saj, të cilat nuk besoj kurrë se ligjet dhe se qeveria amerikane, mund të mbështeste siç mbështeti kjo me fanatizëm dhe verbëri për kryetar opozite një njeri, që raportet e inteligjencës e akuzonin për financim rus.

A duhet t’u kërkojë ajo ndjesë shqiptarëve?

Çfarë i konsideron shqiptarët zonja? Është mirë të flasë, ka stërfolur në shkallë saqë krenohej se shpallej guvernatore, kurse tani hesht si fija e barit. E vërteta është se me heshtjen e saj flet më shumë se çdo deklaratë”, ka thënë Berisha./ CNA.al





Lajmet e fundit nga