"Fenomeni" Luiz dhe problemet aktuale në vend/ Mentor Kikia jep 5 alternativa për zgjidhje

26 Shkurt 2023, 12:04, Aktualitet CNA

"Fenomeni" Luiz dhe problemet aktuale në vend/ Mentor Kikia jep 5

Gazetari Mentor Kikia

Gazetari Mentor Kikia nuk ka ndalur ironitë, teksa në njërën anë vendos "fenomenin" Luiz Ejlli, që ka pushtuar mediat rozë, rrjetet sociale dhe nga ana tjetër situatën e vështirë politike në vend.

Përmes një statusi në rrjetet sociale, gazetari jep 5 mënyra se si mund të zgjidhen problemet, duke mos kursyer notat e ironisë.

Postimi i plotë i gazetarit Mentor Kikia

Kam një ide se si mund ta zgjidhim këtë problem të madh kombëtar

Po lexoja sot në mëngjes lajme që lidheshin me çështjen më të rëndësishme aktualisht për popullin dhe kombin tonë.

Shkodra mbrëmë totalisht e boshatisur, as qen nëpër rrugë

Tirana, metropoli që bën diferencimin me provincat, ishte dorëzuar gjithashtu. Njëri tregonte video e foto nga rrugët bosh, po fare-fare.

Shumë njerëz në rrjet shprehnin revoltën se “Bigu” është duke kurdisuar lojra për të dëmtuar Luizin dhe kauzën e tij.

Dikush postonte deklaratën e një ish banoreje, se një fans i Luizit kishte dash ta shtypte me makinë për qëndrimet antiluiziane të saj brenda shtëpisë.

Pak ditë para spektaklit, një tregtar ofronte ulje çmimi për këdo që vërtetonte, si ata që fotografojnë votën, se ka votuar për Luizin.

E di që këto janë gjëra të pa parashikuara pasi, Bigu është tërësisht jashtë kompetencave të institucioneve, përfshi këtu edhe SPAK-un.

Edhe unë nuk kam asnjë besim tek juria e Bigut, sepse juritë janë gjithmonë të manipuluara. Ndaj unë propozoj të tjera mënyra zgjidhjeje, që ti ketë populli në dorë. Pasi populli është sovrani dhe sovrani nuk gabon asnjëherë:

1-Të shpallet një referendum kombëtar. Të fitojë ai që mendojnë shqiptarët me votë të lirë. Të vijnë edhe emigrantët madje, se edhe ata shqiptarë janë.

2-Në 3 mars të shpallim nje protestë kombëtare për këtë qëllim, ku secili nga ne të mbajë pankratën me foton e aij që mbështet. Të ftojmë edhe opozitën të bashkohet me kauzën tonë e ti lërë idjotsirat me revolucion.

3-Nëse nuk na lejojnë referendumin, të shpallim një grevë kombëtare në arsim, shëndetësi, fabrika, uzina, trena, deri tek pastruesit e qyteteve. Edhe gratë e papuna të bëjnë grevë ndaj burrave.

4-Nëse KQZ, edhe pas kësaj, nuk na e lejon referendumin, atëherë të bëhemi të gjithë bashkë dhe të bojktojmë zgjedhjet vendore.

5- Nëse këto metoda nuk pijnë ujë, atëherë të bëhemi të gjithë si një trup i vetëm dhe të sulmojmë Edi Ramën dhe ministrat e tij në rrjetet sociale. Asnjë Like, asnjë Share. Fare! Këtu të jemi të sigurtë se do të dorëzohen, pasi kjo është pika më e dobët e qeverisë.

O të zgjidhet kjo punë në mënyrë të drejtë, ose këtu nuk ka më jetë normale.

Foto: Tirana dhe Shkodra ne 22.00(marre nga mbeshtetesit e kauzes ne rrjet)./ CNA.al