web counter
LEXO PA REKLAMA!

SHKARKO APP

App Store
Google Play

E fundit!

x

Memorandumi për energjinë/ Balluku: Moment i artë për sigurinë energjetike të rajonit

27 Shkurt 2023, 15:29, Aktualitet CNA

Memorandumi për energjinë/ Balluku: Moment i artë për

Zëvendëskryeministrja, njëherësh Ministre e Infrastrukturës dhe Energjisë, Belinda Balluku, firmosi sot në mbledhjen e përbashkët të dy qeverive memorandumin “Mirëkuptimi për bashkëpunimin në fushën e Energjisë”, me homologun e saj në Malin e Zi.

Gjatë një interviste Balluku e konsideroi këtë memorandum një moment të artë për sigurinë energjetike të rajonit.    

“Dy nga marrëveshjet që u firmosën sot, janë dy marrëveshje shumë të rëndësishme që do të sistemojnë një problematikë shumë të vjetër që ne kemi pasur mes projekteve rajonale dhe bashkëpunimit me Malin e Zi, që sigurisht nuk ka ardhur nga dëshira për të mos u bashkuar, por ka ardhur për shkak të zhvillimeve politike që shpesh Mali i Zi ka pasur, dhe një qëndrueshmërie të brishtë të qeverive që unë kanë ndryshuar herë pas here. Dy marrëveshjet që unë kam nënshkruar sot me kolegun tim, janë dy marrëveshje që konsistojnë në fushën energjetike dhe ne fushën e infrastrukturës.

Në fushën energjetike, prej shumë kohësh kemi pasur një bllokim për një nga projektet më të rëndësishme sa i përket energjisë, që është gazjellësi, i parashikuar si pjesë e TAP. Procesi ka qenë i bllokuar nga pala malazeze, Mali i Zi ka qenë hezitues, vetëm pak muaj më parë, kryeministri Abazoviç e cilësoi atë si projekt strategjik dhe shumë të rëndësishëm për Malin e Zi, duke na bërë optimist se tashmë ka ardhur momenti për të krijuar konsorciumin e katër shteteve. Presim menjëherë të nisim nga puna, duke pasur parasysh krizën energjetike, është një moment i artë, si edhe sigurinë energjetike. Shqipëria mirë apo keq, e kemi pasur komoditetin e pavarësisë, dhe nuk e kemi përdorur gazin rus. Kështu që është një moment i artë për sigurinë energjetike në të gjithë rajonin”, u shpreh Balluku./ CNA.al





Lajmet e fundit nga