LEXO PA REKLAMA!

SHKARKO APP

E fundit!

x

Rikthehen telashet për Fatos Tushen/ Apeli i GJKKO-së shton dënimin për ish-kryebashkiakun e Lushnjës

1 Mars 2023, 11:02, Aktualitet CNA
Rikthehen telashet për Fatos Tushen/ Apeli i GJKKO-së shton
Fatos Tushe, ish-kryebashkiaku i Lushnjës

Apeli i GJKKO-së ka shtuar dënimin për ish-kryebashkiakun e Lushnjës, Fatos Tushe.

Ish-kryebashkiaku i Lushnjes, Fatos Tushe, është shpallur fajtor për shkelje të barazisë në tendera.

Apeli i GJKKO-së ka kërkuar që ish-kryebashkiaku të rikthehet në burg.

Fatos Tushe u arrestua me 6 korrik 2021, me ish-vartësit e tij, nga një operacion i ndërmarrë nga SPAK-u, për akuzën e shpërdorimit të detyrës.

Bëhej fjalë për një tender me vlerë rreth 24 milionë lekë për rehabilitimin e një kanali ujitës në fshatrat Bishqethëm dhe Bitaj. Ky tender është fituar nga kompania "EuroAlb" sh.p.k., që kishte sjellë ofertën më të lartë, por më pas punimet, fitimet dhe punën e ka bërë një kompani tjetër, e biznesmenit Ibrahim Lami.

Ky i fundit, nga sa specifikohet në dosje, ka lidhje të ngushtë shoqërore me Tushen, si edhe lidhje familjare me biznesmenin që ishte shpallur fitues i tenderit, Bujar Muratin. Në fund, Lami dhe Murati i ndanin paratë bashkë./ CNA.al

Lajmet e fundit nga