Zotërinj të SPAK, po Ben Blushi dhe Mirel Mërtiri kur e kanë radhën?

3 Gusht 2020, 13:25, Politikë CNA

Sot në mesditë, nëpërmjet një njoftimi SPAK theksonte se Gjykata Kundër Korrupsionit dhe Krimit të Organizuar kishte dhënë urdhër për sekuestrimin e pasurive të shtetasit Ylli Ndroqi, i njohur si Xhemail Pasmaçiu. Ky i fundit pronar i Ora News, të cilit i janë sekuestruar 26 asete, që vlejnë miliona dollarë dhe nga prokuroria dhe nga SPAK dyshohet se këto janë pasuri të përfituara nga trafiku i drogës.

Në fakt Zoti Ndroqi është shtetasi Xhemail Pasmaçiu i arrestuar për trafik droge në Turqi dhe në Itali, sipas vetë njoftimit të dhënë nga SPAK.

Po ashtu në njoftimin e SPAK, thuhet se ?Nga analiza e fakteve dhe e dokumentacionit të administruar përsa i përket pasurive të shtetasit Ylli Ndroqi (alias Xhemail Pasmaçiu), dhe familjarëve të tij, rezulton se kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t?i kenë fituar si rezultat i veprimtarisë së tij kriminale që ai ka zhvilluar në Shqipëri, Turqi dhe Itali.?

Kanë qënë mediat të cilat shpesh herë kanë raportuar në lidhje me ndryshimin e emrit nga Zoti Ylli Ndroqi dhe arrestimin e tij në Turqi. Por më pas presionet gjyqësore dhe mënyra që ka përdorur duke pasur me vete edhe kapitalin e një televizioni, ka bërë që shumë portale të tërhiqen nga përballja me Ylli Ndroqin.

Por, së fundi CNA.al publikoi dokumentat që tregonin se Ylli Ndroqi është shtetasi Xhemail Pasmaçiu.

Po tani kush e ka radhën, Ben Blushi apo Mirel Mërtiri?

Në fakt pas Ylli Ndroqit, që të besojmë SPAK-un, i cili nuk është përdorur në këtë rast nga Erion Veliaj siç ka ngritur alibinë dhe ishte e pritshme në këtë rast ta thoshte Ylli Ndroqi, duhet të presim rezultatet.

Ben Blushi padit Berishën por duhet të hetohet vetë nga SPAK E në rast se Ylli Ndroqi thotë se sekuestrimi ka ardhur për shkak të qëndrimit opozitar, kjo është një alibi e pabesueshme, sepse nuk besojmë se ka opozitë në botë që të bëjë alibinë e një trafikanti droge.

Por, SPAK ka për detyrë që të bëhet edhe më e besueshme para shqiptarëve. Dhe këtë mund ta tregojë me një tjetër pronar mediash, apo me pronarët e inceneratorëve apo që kanë marrë koncesionet e shumëpërfolura dhe akuzuara nga opozita.

Bëhet fjalë për shtetasin Mirel Mërtiri, i cili ashtu si Ylli Ndroqi, është një shtetas me emër të ndryshuar.

Nga ana tjetër edhe për Ben Blushin, drejtorin e Top Channel, i cili regjistroi një pasuri prej 6 mijë metër katëror në Dhërmi, që më pas u çregjistrua nga Edi Rama.

Gjithashtu ai gëzon në emër të vajzës së tij një pasuri me vlerë qindra mijëra euro të regjistruar në vlera qesharake.

Dhe nga ana tjetër në Dardhë, pati përplasje me komshinjtë e tij për një sipërfaqe prej dy mijë metër katëror, të cilën e kishte përfituar me legalizim.

Pra, pas Ylli Ndroqit radhën duhet ta ketë Mirel Mërtiri apo dhe Ben Blushi.

Për t?iu treguar SPAK shqiptarëve se nuk ishte lojë e Erion Veliajt, se nuk ishte lojë e Edi Ramës, por ishte vërtetë drejtësia ajo që vendos, tashmë guri i provës është në dorën e SPAK, dhe radhën e ka Ben Blushi dhe Mirel Mërtiri./ CNA.al

Shoqërohet në polici Ylli Ndroqi/ Gjykata i sekuestron pasurinë

Skandalet me përvetësimin e pronave/ A ka sy SPAK të shohë korrupsionin e Artan Lames dhe Ben Blushit?

SPAK merr në hetim ortakun e Ben Blushit