web counter
LEXO PA REKLAMA!

SHKARKO APP

App Store
Google Play

E fundit!

x

Lista e PD-së në Shkodër/ Kandidatët e propozuar për zgjedhjet ardhshme

2 Gusht 2020, 13:40, Politikë CNA

Partia Demokratike, dega Shkodër duket se e ka gati listën e kandidatëve për deputet dhe kryetar bashkie, edhe pse Komisioni që do të përzgjedhë emrat në parti, do të nisë punë ditët në vijim. Mediat kanë nxjerr listën paraprake të kandidatëve potencialë të propozuar në PD.

Sipas këtyre mediave në fjalë, ndër 150 vetë ka një listë me 11 emra që janë ndër më të lakuarit në më shumë se 20 grupseksione nga 38 që ka PD në Shkodër.

Ndër 11 të propozuarit sipas rendit alfabetik janë Arben Lushaj, ish-deputeti Bardh Spahia, Benardeta Syku nënkryetare e FRPD, nënkryetarja e PD Shkodër dhe ish kryetare e këshillit të qarkut Greta Bardeli, ish deputeti Helidon Bushati aktualisht anëtar i Komisionit të Autoritetit të Konkurencës, ish deputetja Izmira Ulqinaku,  Ndoc Ashta, ish deputeti më përpara dhe ish kryetar i PD Shkodër Ramiz Çobaj, ish deputeti Romeo Gurakuqi, kryetarja në detyrë e bashkisë Shkodër Voltana Ademi dhe ish kryetari i këshillit bashkiak të Shkodrës Xhemal Bushati.

Në listën e më të propozuarve mungon ish kryeparlamentarja Jozefina Topalli,  ish-deputeti dhe ish-kryetari i bashkisë Lorenc Luka por është në listën e përgjithshme me 150 emra.

Në listën me 150 emra nuk është fare Nard Ndoka, ish deputeti i PD në Shkodër ndërsa pritet që të jetë si i propozuar në Vau Dejës apo Pukë, lista të cilat nuk kanë përfunduar ende.





Lajmet e fundit nga